ខេត្តរតនគិរី ៖ គ្រោះថ្នាក់ចរាចរណ៍កើតឡើងរវាងម៉ូតូនិងម៉ូតូបុកគ្នាបើកច្រាសទិសបន្ទាប់មកមានរថយន្តមួយគ្រឿងទៀតបាន បើកមកបុកបន្ថែមបណ្ដាលឲ្យម្នាក់ស្លាប់ និងម្នាក់ទៀតរងរបួសធ្ងន់ នៅថ្ងៃទី២៤ ខែមករាឆ្នាំ ២០២១ វេលាម៉ោង៩,៣០យប់ ស្ថិតនៅចំណុចគ៦០ ភូមិ៤ ឃុំត្រពាំងច្រេសស្រុកកូនមុំ ខេត្តរតនគីរី។
សមត្ថកិច្ចស្រុកកូនមុំបានបញ្ជាក់ថា ១ អ្នកបើកបរម៉ូតូឈ្មោះគឹមសារុំ ភេទប្រុសអាយុ១៧ ឆ្នាំ រស់នៅភូមិ៤ ឃុំត្រពាំងច្រេះស្រុកកូនមុំខេត្តរតនគិរី រងរបួស បានបញ្ជូនទៅមណ្ឌលសុខភាពស្រុកកូនមុំបានស្លាប់បាត់បង់ជីវិត។ ២ ម្ចាស់ម៉ូតូម៉ាកសេ125 ពណ៌ខ្មៅស៊េរីឆ្នាំ 2015 គ្មានស្លាកលេខ អ្នកបើកម៉ូតូឈ្មោះស៊ុនសុផានុនភេទប្រុសអាយុ 18 ឆ្នាំជនជាតិខ្មែរមានទីលំនៅភូមិកំរ៉ែងឃុំបឹងចា ស្រុកសំបូរខេត្តក្រចេះ រងរបួសធ្ងន់។
ករណីខាងលើ កម្លាំងសមត្ថកិច្ច បានសហការជាមួយនឹងជំនាញ យកវត្ថុតាងទាំងពីរគ្រឿងយកទៅរក្សាទុកនៅអធិការដ្ឋានស្រុកកូនមុំ ចំណែករថយន្តបង្ក បានបើករត់គេចខ្លួនបាត់ស្រមោល ឈឹងតែម្ដង កម្លាំងជំនាញកំពុងស្រាវជ្រាវ ស្វែងរកដើម្បីយកមកទទួល ខុសត្រូវចំពោះមុខច្បាប់ចរាចរណ៍ជាធរមាន៕
