ខេត្តព្រះសីហនុ ៖ ការបាក់រលំ អគារដែល មានកម្ពស់ ៧ជាន់ បណ្ដាល ឱ្យមានមនុស្សស្លាប់ និងរបួសមជាង ៥០នាក់នៅក្នុង ក្រុងព្រះសីហនុ មិនទាន់បានប៉ុន្មានថ្ងៃផង។ ស្រាប់តែនៅរសៀលថ្ងៃទី ៣ ខែកក្កដាឆ្នាំ ២០១៩ នេះ គឺមាន សំណង់ឃ្លាំងរបស់ជនជាតិចិន បានបាក់រលំរៀបដល់ ដីខណៈដែលមានព្យុះ និងភ្លៀង បានកើតឡើង នៅក្នុងក្រុងព្រះសីហនុ។
យោងតាមសម្ដីរបស់ អ្នកនាំពាក្យសាលាខេត្តព្រះសីហនុ លោក លោក ឃាង ភារម្យ នៅ ថ្ងៃ ទី៣ កក្កដា ថា ឃ្លាំងធ្វើពីដែក និងដំបូលប្រក់ស័ង្កសីមួយទៀត នៅក្នុងខេត្តព្រះសីហនុ បានបាក់ដួលរលំរាបដល់ដី ប៉ុន្តែ មិនបណ្ដាល អោយមានមនុស្សស្លាប់ ឬរងរបួសទេ។
លោក ឃាង ភារម្យ បានបន្តថា ហេតុការណ៍ ហេតុការណ៍បាក់រលំឃ្លាំងរបស់ ជនជាតិចិននេះ បានកើតឡើង នៅភូមិថ្មី ស្ថិតក្នុងសង្កាត់លេខ៣ ក្ក្រុង-ខេត្តព្រះសីហនុ។ ដោយលោកមិនបានបញ្ជាក់ពីមូលហេតុដែល បណ្ដាលអោយឃ្លាំងដែកនោះបាក់នៅឡើយទេ។ លោកគ្រាន់តែសង្ស័យថា ការបាក់រលំនេះគឺបណ្តាល មកពីមានភ្លៀងធ្លាក់ និនងមាខ្យល់ព្យុះបោកកន្ត្រាក់ខ្លាំង។
ទោះជាយ៉ាងនេះដីអ្នករស់នៅក្នុងខេត្តព្រះសីហនុទាំងអស់ សំណូមពរដ៏ទទូចសំណូមពរដ៏ទទូច ដល់រដ្ឋបាលខេត្ត ឲ្យបង្កើតក្រុមគណៈកម្មការចុះទៅត្រួតពិនិត្យ សំណង់ដែលគ្មានច្បាប់អនុញ្ញាត និង សាងសង់ ខុស បច្ចេកទេស សំណង់ របស់ជនជាតិ ចិនដែលកំពុងសាងសង់ យ៉ាងស្អេកស្កះ នៅ ក្នុងក្រុងព្រះសីហនុឡើងវិញ បង្ការក្រែង មានការបាក់រលំសង្កត់ទៅបណ្តាលអោយមានមនុស្សស្លាប់ និង របួសច្រើនដូចព្រឹត្តិការណ៍កាលពីប៉ុន្មានថ្ងៃមុននោះទៀត។
សូមបញ្ជាក់ផងដែរថា ការបាក់ឃ្លាំងធ្វើពីដែកដោយជនជាតិចជនជាតិ ចិន នេះ បានកើតមានឡើងជាលើក ទីពីរហើយ បន្ទាប់ពីអគារកម្ពស់ ៧ជាន់ ដែលសាងសង់ឡើងដោយ ជនជាតិ ចិន បានបាក់ដួលរលំរាបដល់ ដី កាលពី ថ្ងៃ ទី ២២ ខែ មិថុនា នៅ ក្នុង ក្រុង-ខេត្តព្រះសីហនុ ដែលបានបណ្ដាលអោយ មានមនុស្សចំនួន២៨នាក់ស្លាប់ និង២៦នាក់ផ្សេងទៀតរងរបួស៕ ដោយ ៖ មនោរាហ៍
