ភ្នំពេញ ៖ ក្រសួងអប់រំ បានប្រកាសណែនាំបន្ទាន់មួយ ដោយសម្រេចឲ្យសិស្ស និងនិស្សិតគ្រប់កម្រិតសិក្សាទាំងអស់នៅទូទាំងកម្ពុជាឈប់សម្រាកមុនកាលកំណត់វិស្សមកាលចាប់ពីថ្ងៃនេះ រហូតដល់មានការជូនដំណឹងថ្មី។
ការសម្រេចបែបនេះ បានធ្វើឡើងដើម្បីជាវិធានការបង្ការ និងទប់ស្កាត់ជាបន្ទាន់នូវការរីករាលដាលជំងឺ Covid-19 ។ជាមួយនេះ ក៏តម្រូវឲ្យប្រមូលព័ត៌មាននូវរាល់ការធ្វើដំណើរ កម្មវិធីទស្សនកិច្ច កម្មសិក្សា ទៅកាន់្រទេសដែលផ្ទុះជំងឺ Covid-19 ក្នុងអំឡុងពេល១៤ថ្ងៃ មុនថ្ងៃទី១៦ ខែមីនា ឆ្នាំ២០២០។ ប្រសិនបើមាននិស្សិតដែលធ្លាប់ចេញទៅក្រៅប្រទេស ហើយមានការសង្ស័យបញ្ហាសុខភាព អាចទាក់ទងទៅលេខ ១១៥ ដើម្បីពិនិត្យសុខភាព៕
