លោក ចាន់ គឹមសេង អគ្គនាយកនៃអគ្គនាយកដ្ឋានពន្ធនាគារក្រសួងមហាផ្ទៃ បានបញ្ជាក់នៅថ្ងៃនេះថា គ្រប់ពន្ធនាគារទាំងអស់នៅកម្ពុជា ត្រូវបានបំពាក់ឧបករណ៍វាស់ស្ទង់កម្តៅពិនិត្យរក កូវីដ ១៩ ទាំងអ្នកជាប់ឃុំ និងក្រុមគ្រួសារដែលស្នើសុំចូលសួរសុខទុក្ខ។
លោកថា ថ្មីៗនេះអ្នកជាប់ឃុំម្នាក់ ត្រូវបានយកសំណាកទៅពិនិត្យរក កូវីដ១៩ តែមិនទាន់ដឹងលទ្ធផលនៅឡើយ។ ខណៈកម្ពុជា ស្ថិតក្នុងស្ថានភាពបែបនេះ ពន្ធនាគារ បានសម្រេចមិនអនុញ្ញាតឲ្យអ្នកខាងក្រៅចូលជួបដោយផ្ទាល់ជាមួយអ្នកជាប់ឃុំក្នុងពន្ធនាគារដូចគ្រាមុនៗទៀតឡើយ៕
