ភ្នំពេញ ៖ គិតត្រឹមម៉ោង១០ព្រឹក ថ្ងៃទី២៣ មីនា ២០២០ នាយកដ្ឋានប្រយុទ្ធនឹងជំងឺឆ្លង ហៅកាត់ថា CDC របស់ក្រសួងសុខាភិបាលបានប្រកាសឲ្យដឹងថា មានការរកឃើញនូវករណីវិជ្ជមានកូវីដ១៩ ចំនួន ២ ករណីបន្ថែមទៀត ដែលនាំឲ្យចំនួនឆ្លងសរុបហក់ឡើងដល់៨៦ករណីទូទាំងប្រទេស។
នាយកដ្ឋានប្រយុទ្ធនឹងជំងឺឆ្លងបានបញ្ជាក់ថា «យើងរកឃើញអ្នកជំងឺ COVID-19 សរុបទាំងអស់ចំនួន ៨៦ករណី ។ រហូតពេលនេះយើងបានព្យាបាលជាពីរនាក់ហើយគឺជនជាតិចិន១នាក់ និងជនជាតិអង់គ្លេស១នាក់ ។ យើងពុំទាន់រកឃើញភ័ស្តុតាងបញ្ជាក់ថាមានការឆ្រហូលងក្នុងសហគមន៍នៅឡើយទេ តែលទ្ធភាពនឹងអាចកើតមានឡើង»។
សូមបញ្ជាក់ថា ២ ករណីថ្មីនេះគឺមួយករណីមានលើជនជាតិខ្មែរនៅខេត្តកោះកុង ដែលនាំឲ្យខេត្តកោះកុងមានករណីវិជ្ជមានកូវីដ១៩ ចំនួន២ករណី និងកំពង់ចាមឡើងដល់១១ករណី៕
