ខេត្តព្រះសីហនុ ៖ លោក ឧកញ៉ា ហេង សុវណ្ណា សមាជិកក្រុមការងារ ថ្នាក់ កណ្តាល ចុះជួយស្រុកព្រៃនប់ និងជាតំណាងដ៏ខ្ពង់ខ្ពស់ ឯកឧត្តម ជៀម ហ៊ីម ប្រធានក្រុមប្រឹក្សាខេត្តព្រះសីហនុ និងជា ប្រធានគណៈកម្មាធិការ អចិន្ត្រៃយ៍ នៃគណ:បក្សប្រជាជនកម្ពុជា ខេត្តព្រះសីហនុ បានថ្លែងថា៖ ឈ្នះមេរោគ កូវីដ ១៩ នោះ សូមឲ្យ យើងទាំងអស់ គ្នាត្រូវស្តាប់ ការណែនាំ របស់ប្រមុខរាជ រដ្ឋា ភិបាល កម្ពុជា និង ក្រសួងសុខាភិបាល បន្តការ យកចិត្តទុកដាក់ការពារ ខ្លួននិង ត្រូវចងចាំគ្រប់ពេលវេលាថាជម្ងឺកូវីដ១៩ គឺជា ជម្ងឺឆ្លងរាតល្បាត ដ៏កាចសាហាវ បំផុតដែលក្នុងមួយតែប៉ព្រិចភ្នែកវាអាច បង្កវិនាសកម្ម បានយ៉ាងឆាប់រហ័ស។
លោក ឧកញ៉ា ហេង សុវណ្ណាមាន ប្រសាសន៍ បែបនេះក្នុង ឱកាសអញ្ជើញ សំណេះសំណាលសាកសួរសុខទុក្ខ នាំយកអំណោយ ជាគ្រឿងឧបភោគ បរិភោគ និង ថវិកា របស់ លោកឧកញ៉ា និង លោកស្រី ហួត ស៊ីថា ផ្ទាល់ខ្លួន ទៅចែកជូន លោកយាយ ចាស់ ជរា មានជម្ងឺ ទ្រុឌទ្រោម កំពុងសំរាន្ត នៅលើ កន្លេល ព្យាបាលជំងឺ គ្រួសារក្រីក្រខ្វះខាត ចំនួន២គ្រួសារ។ នៅរៀលថ្ងៃទី២៦ ខែ មេសា ឆ្នាំ២០២០ នៅភូមិរាម ឃុំរាម ស្រុកព្រៃនប់ ខេត្តព្រះសីហនុ។
អំណោយដែលចែកជូននោះគឺ៖ លោកយាយ ហើយ អ៊ី អាយុ ៦៨ឆ្នាំ ចាស់ជរា កំពុងមានជំងឺធ្ងន់ធ្ងរ សំរាន្តលើ កន្ទេល ស្នាក់នៅវត្តស្មាច់ដែង ភូមិស្មាច់ដែង ឃុំរាម ស្រុកព្រៃនប់។
ទទួលបាន អង្ករ ទំងន់ ៥០គីឡូ, ទឹកស៊ុអ៊ីវ១យួរ ,ទឹកត្រី១យួរ ,ប្រេងខ្យង១ដប ,មី១កេះ ,ទឹកដោះគោឆៅ ១យួរ ទឹកផ្លែឈើ១កេះ ,ទឹកសុទ្ធ៤យួរ ,ប៊ីចេង១គីឡូក្រាម ម៉ាស អាលកុលថវិកា២០ម៉ឹនរៀល រួមនិងថវិកា សហភាពសហព័ន្ធ យុវជនកម្ពុជា(ស ស យ ក) និងថវិការ សាលាឃុំរាម ចំនួន១៣០០០០រៀល។
ចំណែក លោក យាយ ហូវ មុំ អាយុ ៨៧ ឆ្នាំ ជរាពាធ មានជំងឺធ្ងន់ធ្ងរកំពង់សំរាន្ត លើកន្ទេល បច្ចុប្បន្ន រស់នៅភូមិស្មាច់ដែង ឃុំរាម ស្រុកព្រៃនប់ខេត្ត ព្រះសីហនុ ទទួល បាន អង្ករ៥០គីឡូ ,ទឹកស៊ីអ៊ីវ១យួរ ,ទឹកត្រី១យួរ,ប្រេងខ្យង១ដប, មី១កេះ, ទឹកដោះគោឆៅ ១យួរ,ទឹកផ្លែឈើ១កេះ, ទឹកសុទ្ឌ៤យួរ,ប៊ីចេង១គីឡូ, ម៉ាស និង អាលកុល ថវិកា២០ម៉ឺនរៀល រួមនិង ថវិកា សហភាពសហព័ន្ធ យុវជនកម្ពុជា (ស ស យ ក) និងថវិកា សាលាឃុំរាម ចំនួន ១៥០០០០រៀល។
លោក ឧកញ៉ា ហេង សុវណ្ណា បានថ្លែង ដោយពាំនាំនូវការផ្តាំផ្ញើនិង សាកសួរ សុខទុក្ខ ពីសំណាក់ ឯកឧត្តម គួច ចំរើន អភិបាលនៃគណៈអភិបាល ខេត្ត ព្រះសីហនុ ឯកឧត្តម ជៀម ហ៊ីម ប្រធាន ក្រុម ប្រឹក្សា និង ជា ប្រធានគណៈ អចិន្ត្រៃយ៍ នៃគណៈបក្ស ប្រជាជន កម្ពុជា ខេត្តព្រះសីហនុ។
ព្រោះថាថ្នាក់ដឹកនាំទាំងពីរ រូប តែងតែគិតគូរនិងយកចិត្តទុក ដាក់ដល់ ប្រជា ពលរដ្ឋ ទូទាំងខេត្តព្រះសីហនុ លោក បានចាត់ឲ្យក្រុមការងារ គ្រប់ផ្នែក គ្រប់ថ្នាក់ និងសាខាកាកបាទក្រហមកម្ពុជា ខេត្តព្រះសីហនុ នាំយកស្បៀង និងសម្ភារៈ ទៅចែកជូនប្រជាពលរដ្ឋ ដែលកំពុងជួបកង្វះខាតស្បៀង ដោយពួក គាត់មិនអាចចេញទៅប្រកបមុខរបរបាននាអំឡុងនៃរីករាលដាលជម្ងឺកូវីដ១៩ឲ្យបានទាន់ពេលវេលានិងគ្រប់ទី កន្លែងក្នុងដែនសមត្ថកិច្ច របស់ខ្លួនជាក់ស្តែង ដូច ពេលនេះ ជាសក្ខីភាពស្រាប់។ លោកឧកញ៉ា ហេង សុវណ្ណា បានថ្លែង ជម្រាប ជូនថា ដើម្បីយកឈ្នះនៃជម្ងឺកូវីដ១៩នោះ សូមឲ្យបងប្អូនប្រជាពលរដ្ឋ ពិសេស បង ប្អូនកូនក្មួយចំណាកស្រុកដែលបានវិលត្រឡប់មកស្រុកកំណើតវិញនោះ ត្រូវអនុវត្តទៅតាមវិធានការនិងស្តាប់នូវការណែនាំរបស់រាជរដ្ឋាភិបាលកម្ពុជានិងក្រសួងសុខាភិបាលទើបគ្មានការឆ្លង ព្រោះថាកន្លងមក សម្តេចបានដាក់ វិធាន ការណ៍៣គឺ ១-ការទប់ស្កាត់មិនឲ្យមានការបន្តនាំជម្ងឺចូលមកកម្ពុជា ២-ទប់ស្កាត់នូវការរីករាលដាលនៅក្នុងប្រទេសនិង៣-ព្យាបាលអ្នកដែលបានឆ្លងជម្ងឺកូវូដ១៩។
តាមរយៈនេះក្នុងនាម លោក ជា សមាជិកក្រុមការងារ ថ្នាក់ កណ្តាល ចុះជួយ ស្រុកព្រៃនប់ សូមអំពាវនាវដល់បង ប្អូនប្រជាពលរដ្ឋ ទាំងអស់ ត្រូវ យកចិត្ត ទុកដាក់បង្ការការពារខ្លួនដោយយកជាប់ជាមួយនូវម៉ាស ទឹកអាកុល ដុសលាង សម្អាតជាប្រចាំ យើងទាំងអស់គ្នាត្រូវចងចាំ កុំមើល ស្រាល កុំធ្វេសប្រហែស និងត្រូវចូលរួមទប់ស្កាត់ ការឆ្លងមេរោគកូវីដ១៩ ទាំងអស់គ្នា សំដៅធ្វើយ៉ាង ណាឲ្យខ្លួនយើង ក្រុមគ្រួសារយើងនិងសហគមន៍ យើងគ្មានមេរោគកូវីដ១៩ ។
លោក ឧកញ៉ា បានសំណូមពរដល់មន្ត្រីមូលដ្ឋាន គ្រប់លំដាប់ថ្នាក់ ទាំងអស់ត្រូវរួមគ្នា អនុវត្តនិងថែរក្សាឲ្យបាននូវភូមិឃុំមានសុវត្ថិភាព ដើម្បីរួមចំណែកជាមួយរាជរដ្ឋាភិបាលក្នុងការអភិវឌ្ឍន៍មូលដ្ឋានរបស់ខ្លួន ។ ជាងនេះទៅទៀតគប្បីយកចិត្តទុកដាក់អំពីបញ្ហាគ្រោះថ្នាក់ចរាចរណ៍ តែងតែ កើតមានជារៀងរាល់ថ្ងៃ ហេតុនេះហើយ សូមឲ្យប្រជាពលរដ្ឋនិង អ្នកបើកបរ ទាំងអស់បង្កើនការប្រុងប្រយ័ត្ននិងគោរពច្បាប់ចរាចរណ៍ផ្លូវគោកឲ្យបានគ្រប់ៗគ្នា៕ ដោយ ៖ មនោរាហ៍
