បន្ទាយមានជ័យ ៖ បុគ្គលិកតភ្លើងអគ្គិសនីរបស់ក្រុមហ៊ុនអានកូម្នាក់ ឡើងបង្គោលភ្លើងដើម្បីភ្ជាប់ប្រព័ន្ធភ្លើងនៅបង្គោលភ្លើងនៅចំណុចផ្លូវចូលប៉ុស្តិ៍រដ្ឋបាលផ្សារកណ្តាល ស្ថិតក្នុងភូមិផ្សារកណ្តាល សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ បានភ្លាត់ស្នៀតត្រូវភ្លើងឆក់បណ្តាលឲ្យរងរបួសធ្ងន់ ក្រោយមកបានបាត់បង់ជីវិតពេលបញ្ជូនទៅសង្រ្គោះបន្ទាន់ នៅមន្ទីរពេទ្យបង្អែកក្រុងប៉ោយប៉ែត នៅវេលាម៉ោង៣និង១០នាទីសៀល ថ្ងៃទី១កក្តដា ឆ្នាំ២០២០។
នគរបាល ក្រុងប៉ោយប៉ែត បានឲ្យដឹងថា ជនរងគ្រោះ ឈ្មោះ ឈន សាវុធ ភេទប្រុសអាយុ៣០ឆ្នាំ មានទីលំនៅភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ មុខរបរជាបុគ្គលិកអគ្គីសនីក្រុមហ៊ុនអានកូ ។នគរបាលបានបញ្ជាក់ថាទៀតថានៅមុនពេលកើតហេតុ ជនរងគ្រោះ និង អ្នករួមការងារចំនួន១នាក់ទៀតបានឡើងបង្គោលភ្លើង នៅចំណុចផ្លូវចូលប៉ុស្តិ៍រដ្ឋបាលផ្សារកណ្តាល ដៃដន្យភ្លាត់ស្នៀត ត្រូវខ្សែភ្លើងឆក់បណ្តាលឲ្យ រងរបួសធ្ងន់ ពេលនោះត្រូវបានមិត្តភ័ក្ត្ររួមការងារជួយដឹកទៅសង្រ្គោះភ្លាមៗនៅមន្ទីរពេទ្យ តែជាអកុសលត្រូវបានបាត់បង់ជីវិតពេលដឹកដល់មន្ទីរពេទ្យពេទ្យបង្អែកក្រុងប៉ោយប៉ែត ។សពជនរងគ្រោះត្រូវបានសាច់ញាតិដឹកចេញពីមន្ទីរពេទ្យរៀបចំធ្វើបុណ្យតាមប្រពៃណីនៅផ្ទះតែម្តង៕
