ខេត្តកណ្តាល ៖ មុនឱកាស នៃពិធីនឹងប្រព្រឹត្តទៅនៅថ្ងៃស្អែកនេះ លោក គង់ សោភ័ណ្ឌ អភិបាលខេត្តកណ្ដាល និងលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្ត បានដឹកនាំមន្ត្រីពាក់ព័ន្ធជាច្រើននាក់ ចុះទៅពិនិត្យ ការរៀបចំពិធីដ៏ឱឡារឹកនេះ ហើយក៏ មានការរៀបចំផែនការសុវត្ថិភាពថ្វាយទ្រង់ និងកម្មវិធីទាំងមូលផងដែរ។ខណៈព្រះអម្ចាស់ ជីវិតតម្កល់លើត្បូង ព្រះករុណា ព្រះបាទ សម្ដេច ព្រះបរមនាថ នរោត្តម សីហមុនី ព្រះ មហាក្សត្រ នៃកម្ពុជា នឹងយាងជាព្រះរាជអធិបតីដ៏ខ្ពង់ខ្ពស់បំផុត សម្ពោធដាក់ឱ្យ ប្រើ ប្រាស់ នូវប៉ុស្តិ៍សុខភាពសម្ដេចព្រះសង្ឃរាជ បួរ គ្រី ដែលមានទីតាំងនៅវត្ត ព្រះឥន្ទ សាមគ្គីធម៌ ស្ថិតនៅស្រុកអង្គស្នួល ខេត្តកណ្ដាលនៅថ្ងៃទី៣ ខែតុលា ឆ្នាំ២០២០ នេះ។
លោក ទូច ណារុថ អនុរដ្ឋលេខាធិការ ក្រសួងមហាផ្ទៃ បានដឹកនាំប្រជុំរៀបចំផែនការ សន្តិសុខ ហើយលោកអភិបាលខេត្តកណ្ដាល បានណែនាំឱ្យកងកម្លាំងទាំងអស់ទាំង ៣ប្រភេទ ត្រូវការពារសុខសុវត្ថិភាពថ្វាយទ្រង់ និងកម្មវិធីទាំងមូលឱ្យបានល្អ១០០%៕
