ក្រុមហ៊ុនអាកាសចរណ៍ AirAsia Japan Co បានដាក់ពាក្យក្ស័យធន ទៅតុលាការទីក្រុងតូក្យូ បន្ទាប់ពីបានប្រកាសកាលពីខែមុនថា ខ្លួននឹងបញ្ឈប់ប្រតិបត្តិការនៅក្នុងប្រទេសនេះដោយសារតែជំងឺរាតត្បាតកូវីដ ១៩ ដែលបានបំផ្លាញដល់ការធ្វើដំណើរទូទាំងពិភពលោក។
ជើងហោះហើររវាងប្រទេសជប៉ុន និងទិសដៅ ដូចជាទីក្រុងបាងកកនឹងបន្តប្រតិបត្តិការដោយក្រុមហ៊ុនអាកាសចរណ៍អ៊ែរអេស៊ាផ្សេងទៀត។ សេចក្តីថ្លែងការណ៍មួយបាននិយាយ ថា ក្រុមហ៊ុននៅក្រោមក្រុមហ៊ុនជប៉ុនមួយនេះគឺ ក្រុមហ៊ុនអាកាសចរណ៍ AirAsia Group Bhd របស់ប្រទេសម៉ាឡេស៊ីបានទទួលបញ្ជារដ្ឋបាលបណ្តោះអាសន្ន ពីតុលាការរួចហើយ។
សេចក្តីថ្លែងការណ៍នេះបានឲ្យដឹងថា ដោយសារជំហរហិរញ្ញវត្ថុនាពេលបច្ចុប្បន្នរបស់ ក្រុមហ៊ុនAirAsia ជប៉ុន យើងសោកស្តាយដែលបានជូនដំណឹងថា ក្រុមហ៊ុន AirAsia ជប៉ុនបច្ចុប្បន្នមិនអាចទូទាត់ប្រាក់សងត្រឡប់វិញបានទេ។ យើងសូមអភ័យទោសដោយស្មោះត្រង់ចំពោះភាពរអាក់រអួលដែលបង្កឡើង ដល់អតិថិជនដែលបានប្រើប្រាស់ ឬកក់ជើងហោះហើរ AirAsia Japan ។
ក្រុមហ៊ុនអាកាសចរណ៍ AirAsia ដែលបានរាយការណ៍ពីការខាតបង់ធំបំផុតរបស់ខ្លួននៅលើកំណត់ត្រាក្នុងត្រីមាសទី ២ ដែលបានបញ្ចប់នៅថ្ងៃទី ៣០ ខែមិថុនានោះ បានស្ថិតនៅក្រោមសម្ពាធយ៉ាងខ្លាំងនៅឆ្នាំនេះ ដោយសារជំងឺ Covid-19 បានបញ្ឈប់ឧស្សាហកម្មអាកាសចរណ៍។ ក្រុមហ៊ុនអាកាសចរណ៍នៅទូទាំងពិភពលោក បានធ្លាក់ចូលក្នុងវិបត្តិ ដោយសារការកាត់បន្ថយការងាររាប់ពាន់ ហើយព្យាយាមទទួលបានមូលនិធិសម្រាប់ការ បន្តដំណើរការក្រុមហ៊ុន។ ទន្ទឹមនឹងនេះដែរ សេវាកម្មដែលដំណើរការទៅប្រទេសជប៉ុនដោយក្រុមហ៊ុនអាកាសចរណ៍ផ្សេងទៀតរបស់ ក្រុមហ៊ុនអ៊ែរអេស៊ានៅក្នុងប្រទេសថៃ និងហ្វីលីពីននឹងមិនរងផលប៉ះពាល់ទេ។ ក្រុមហ៊ុនអាកាសចរណ៍បាននិយាយថា សេវាកម្មអន្តរជាតិទៅកាន់ប្រទេសជប៉ុន ពីប្រទេសម៉ាឡេស៊ី ថៃ និងហ្វីលីពីន នឹងបន្ត នៅពេលដែលការរឹតបន្តឹងការធ្វើដំណើរត្រូវបានបន្ធូរបន្ថយ ហើយការបើកព្រំដែនបានបើកដំណើរការវិញ៕
