ពោធិ៍សាត់ ៖ មនុស្សម្នាក់ បានទទួលរងរបួស និងអេស្កាម៉ូតូមួយគ្រឿង បានរងការខូចខាត បន្ទាប់ពីកាយដីប៉ះមីនតោន បណ្ដាលអោយផ្ទុះយ៉ាងកក្រើកនៅវេលាម៉ោង3និង11នាទីរសៀលថ្ងៃទី9 ខែមករា ឆ្នាំ2021 ត្រង់ចំណុចអូរបែកចាន ស្ថិតក្នុងភូមិឯកភាពឃុំថ្មដាស្រុកវាលវែងខេត្តពោធិ៍សាត់។
សមត្ថកិច្ច ប្រាប់ឲ្យដឹងថា ជនរងគ្រោះឈ្មោះចយលីន ភេទប្រុស អាយុ39 ឆ្នាំរស់នៅ ក្នុងភូមិស្បូវរីក ឃុំលាច ស្រុកភ្នំក្រវាញ ខេត្តពោធិ៍សាត់ បានទទួលរងរបួស ដោយត្រូវអំបែងនឹងផ្សែងរំសេវប៉ះត្រូវភ្នែក និងមុខដងខ្លួន ត្រូវបានបញ្ជូនយកមកសង្គ្រោះនៅមន្ទីរពេទ្យបង្អែកខេត្តពោធិ៍សាត់។
ដោយឡែក អ្នកបើកបរឈ្មោះសោមសុផា ភេទប្រុសអាយុ 41 ឆ្នាំ រស់នៅក្នុងភូមិកើតហេតុខាងលើមិនមានរងរបួសឡើយ៕
