ភ្នំពេញ ៖ រថយន្តឡិចស៊ីស RX300 បើកបត់ឆ្វេងត្រឡប់ក្រោយ ត្រូវរថយន្ត Nissan Frontier បោះពួយលឿនមកបុកពីក្រោយពេញទំហឹងបណ្តាលឲរថយន្តទាំង២គ្រឿងខូចខាតទាំងសង្ខាង តែមិនបណ្តាលឲ្យមនុស្សរងរបួសនោះទេ។
ហេតុការណ៌គ្រោះថ្នាក់ចរាចរណ៍ នេះនៅវេលាម៉ោង១១និង៥០នាទី នៅចំណុចផ្លូវបេតុង OCIC ភូមិដើមគរ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
រថយន្តទី១ម៉ាក ឡិចស៊ីសRX300ពណ៍ស្ករ ពាក់ស្លាកលេខ បន្ទាយមានជ័យ 2A-3567 បើកបរ ដោយបុរសចំណាស់ម្នាក់ ធ្វើដំណើរពីត្បូងមកជើង។ចំណែករថយន្តទី២ម៉ាក Nissan Frontierពណ៍ទឹកប្រាក់ ពាក់ស្លាកលេខ ភ្នំពេញ22Z-6483 ធ្វើដំណើរស្របទិសគ្នាពីក្រោយរថយន្ត ឡិចស៊ីស បើកបរដោយបុរសម្នាក់។
ក្រោយកើតហេតុជំនាញចរាចរណ៍ខណ្ឌ សហការជាមួយចរាចរណ៍ក្រុង ចុះមកវាស់វែង ស្ទួចយករថយន្តទាំង២គ្រឿងយកទៅរក្សាទុកនៅការិយាល័យ ចរាចរណ៍ជើងគោក នៃស្នងការដ្ឋាននគរបាលរាជធានីដើម្បីរងចាំការដោះស្រាយនៅពេលក្រោយ៕ ដោយ ទេស សុវណ្ណ
