ឧត្ដរមានជ័យ ៖ គយចល័តខេត្តនិងគយចល័តរបស់ក្រសួងនៅចំណុចភូមិជើងភ្នំ ឃុំ ត្រពាំងប្រិ៍យ ស្រុកអន្លង់វែង ខេត្តឧត្តរមានជ័យ បានដាក់កូនចៅជាជនស៊ីវិល អោយអង្គុយចាំកត់ឡានយកលុយពីក្រុមឈ្មួញដឹកទំនិញចេញចូលពីប្រទេសថៃមកប្រទេសកម្ពុជាតាមច្រកទ្វាអត្តរជាតិជាំ ដោយមិនមានការត្រួតពិនិត្យនិងឆែកឆេរត្រឹមត្រូវតាមស្តង់ដារ នោះទេ គឺមានតែតម្រូវអោយក្រុមឈ្មួញដឹកទំនិញតូចធំទាំងនោះបង់លុយអោយខ្លួន ទើបអាចបន្តដំណើរទៅមុខបាន នេះបើយោងតាមប្រសាសន៍របស់បងប្អូនអាជីវករដែលដឹកទំនិញ នៅច្រកអន្តរជាតិជាំ។
រាល់ថ្ងៃគេសង្កេតឃើញថា សកម្មភាពរបស់គយចល័តខេត្តនិងគយចល័តរបស់ក្រសួង កំពុងតែមមាញឹកក្នុងការបើកជំហរ អោយរថយន្តដឹកទំនិញតូចធំ ដឹកសំពីងសំពោង តាមដងផ្លូវ និងកាត់មុខទីស្នាក់ខ្លួនដោយមិនមានការត្រួតពិនិត្យត្រឹមត្រូវពីស្តង់ដានិងគុណភាព មានតែបណ្ដែរបណ្ដោយអោយនាំចូលកាន់តែច្រើនជាងមុន នូវទំនិញគេចពន្ធ បង់ពន្ធមិនគ្រប់ ទំនិញខូចគុណភាពគ្រប់ប្រភេទចូលមកស្រុកខ្មែរ។ នេះហើយជាការប្រមូលលុយតាមរបៀបអំពើរពុកលួយស្រប់ច្បាប់និងបានបន្លំ ភ្នែកប្រជាពលរដ្ឋទូទាំងប្រទេសក៍ដូចជាបន្លំភ្នែកឯកឧត្ដម អូន ព័ន្ធមន្នីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុនិងលួចកឹបកេង កេងប្រវ័ញ្ច លុយរដ្ឋរាប់សិបលានក្នុងមួយៗឆ្នាំ ។
ប្រភពពីក្រុមឈ្មួញអ្នកដឹកទំនិញចេញចូលពីប្រទេសថៃមកប្រទេសកម្ពុជាតាមច្រកទ្វាអត្តរជាតិជាំ បានអះអាងថា ពួកគាត់ដឹកទំនិញចុះពីលើភ្នំរហូតដល់ចង្កេះភ្នំអស់មិនក្រោមពី១០ ទៅ ២០ មុឺនរៀលនោះទេ.!ហើយក្នុងមួយកន្លែងត្រូវបង់លុចាប់ពី ៣០០០០ រៀលទៅ ៤០០០០ រៀលរហូត ៨០០០០ រៀល ជាកំហិត បើម្ចាស់រថយន្តដឹងទំនិញទាំងអស់មិនព្រចូលទៅបង់លុយគឺមិនអនុញ្ញាតអោយរថយន្តនោះវិលកង់ទៅមុខបានឡើយ ។
តើឯកឧត្ដម អូន ព័ន្ធមន្នីរ័ត្ន រដ្ឋមន្ត្រី ក្រសួង សេដ្ឋកិច្ចនិងហិរញ្ញវត្ថុបានជ្រាបខ្លះដែរទេ.? ពាក់ពន្ធ័និងលោក គួន សុភាព មេគយចល័តខេត្តនិងលោក ផល្លី គយចល័តរបស់ក្រសួងកំពុងដាក់កូនចៅអោយអង្គុយកត់ក្បាល់ឡានដឹកទំនិញយកលុយដាក់ចូលក្នុងហោប៉ៅនិងចែកបក្ខពួកដើម្បីធ្វើមានធ្វើបានក្នុងសង្គមគ្រួសារ ថែមបិទបាំងរឿងអាស្រូវនូវអំពើពុករលួយដែលខ្លួនបានប្រព្រឹត្ត ។
នៅថ្ងៃទី ១៥ ខែ មករា ឆ្នាំ ២០២១ នេះជុំវិញ លើកឡើងខាងលើនេះក្រុមការងារ អង្គភាពយើង មិនអាចសុំការទំនាក់ទំនងពីរ លោក គួន សុភាព មេគយចល័តខេត្ត ដោយពុំស្គាល់លេខទូរស័ព្ទទំនាក់ទំនង ចំណែក លោក ផល្លី គយចល័តរបស់ក្រសួង ក៏មិនអាចទំនាក់ទំនងបាននោះដែរដោយពុំស្គាល់លេខទូរសព្ទលួចគ្នា ។ បើសិនការចោទប្រកាន់ខាងលើនេះគិតថាមិនមានភាពប្រក្រតី អង្គភាពយើងរងចាំការបកស្រាយបំភ្លឺជានិច្ចរាល់ពេលម៉ោងធ្វើការ ៕ ដោយ សហការី
