លោកយាយ លោកតា២នាក់ ត្រូវបង្ខំចិត្ត រស់នៅក្រោមដើមខ្នុរដីអ្នកស្រុក ស្ថិតក្នុងភូមិសៀតលើ ឃុំខ្ជាយខាងត្បូង ស្រុកដងទង់ ខេត្តកំពត ក្រោយពីជំពាក់លុយអ្នកជិតខាង សងអស់សល់តែ៥០ម៉ឺនរៀល ត្រូវគេរឹបអូសយកដី និងផ្ទះសម្បែងនោះ។
តាមប្រភពព័ត៌មានឲ្យដឹងថា ពួកគាត់ទាំង២នាក់ ជួបការលំបាក ជំពាក់លុយអ្នកនៅជិតគ្នាចំនួន៨ពាន់ដុល្លារ ហើយគាត់ បានសងលុយអស់ហើយនៅសល់ចំនួន៥០ ម៉ឺនរៀលប៉ុណ្ណោះ។ ប៉ុន្តែដោយសាររកអីពុំបាន ចំនួនបីខែបន្ទាប់មក ខាងម្ចាស់ដែលឱ្យគាត់ខ្ចីលុយនោះ គិតចុះគិតឡើងឡើងដល់ 60 លានរៀល។
ដោយហេតុថាជួបរឿងអយុត្តិធម៌បែបនេះហើយ ទើបពួកគាត់ទាំង២នាក់ បានពឹងឱ្យអ្នកសារព័ត៌មានជួយផ្ដល់ដំណឹង រឿងអយុត្តិធម៌នេះ ដល់សម្ដេចអគ្គមហាសេនាបតីតេជោហ៊ុនសែន ដើម្បីសម្ដេចជួយដល់លោកទាំងពីរផង ព្រោះគេបានដេញគាត់ចេញពីផ្ទះអស់ហើយហើយគាត់ពុំមានលទ្ធភាពតតាំងជាមួយនឹងគេទេ។ សព្វថ្ងៃ ពួកគាត់គ្មានទីលំនៅទេ ដោយកំពុងរស់នៅក្រោមដើមខ្នុរផ្ទះអ្នកជិតខាងដែលគេអនុញ្ញាតឲ្យនៅ៕
ដោយទេស សុវណ្ណ
