បុរសម្នាក់មានអការៈចុកផ្នែកក្រពះ ក៏ត្រូវបានប្រពន្ធ និងក្រុមគ្រួសារដឹកយកទៅពិនិត្យ និងពិគ្រោះព្យាបាលនៅផ្ទះពេទ្យ ដោយប្រើប្រាស់ថ្នាំដាក់សេរ៉ូម និងតាមរោគវិភាគ ដែលបានពិនិត្យមើលរួច គ្រាដែលដាក់សេរ៉ូម មិនទាន់អស់ផង គ្រូពេទ្យក៏កំពុងតាមដានរោគបន្ត ស្រាប់តែអ្នកជំងឺប្រាប់ពេទ្យថា បានធូរស្រាលក្នុងខ្លួនហើយ ទាំងក្រុមគ្រួសារ ក៏សុំគ្រូពេទ្យចេញទៅផ្ទះ ទោះជាគ្រូពេទ្យផ្តល់យោបល់ ថារង់ចាំអស់សេរ៉ូមសិនទៅ នៅតែខាងអ្នកជំងឺទទូចសុំវិលទៅផ្ទះវិញដែរ ក្នុងអំណះអំណាងបានធូរស្រាលហើយ ក៏នាំគ្នាគិតលុយចាកចេញទៅផ្ទះបាត់ទៅ។
ស្រាប់តែប្រហែល៣០នាទីក្រោយ បែរជាជំងឺធ្វើទុក ចុកទ្រាំលែងបានក្រុមគ្រួសារនាំគ្នាដឹកវិលមកផ្ទះពេទ្យវិញ តែគាប់ជួនគ្រូពេទ្យមិននៅ ដោយរវល់ចេញទៅស្រុកកំណើត ទើបក្រុមគ្រួសារដឹកដើររកពេទ្យផ្សេង តែចូលពេទ្យមួយគេមិនហ៊ានទទួល ចូលមួយទៀតក៏គេមិនហ៊ានទទួល ក៏នាំគ្នាដឹកបញ្ជូនទៅមន្ទីរពេទ្យរុស្សី។
តែអកុសល គ្រាន់តែដល់ពេទ្យពិនិត្យ គ្រូពេទ្យប្រាប់ថាអ្នកជំងឺស្លាប់ហើយ ទើបនាំគ្នាឆោឡោ
ផ្ញើសពនៅមន្ទីរពេទ្យ រួចនាំគ្នាទៅប្តឹងសមត្ថកិច្ចប៉ុស្តិ៍ចោមចៅ៣ ឲ្យចុះសាកសួរនាំដល់ផ្ទះពេទ្យ តាមផ្លូវQMI ភូមិជម្ពូវ័ន២ សង្កាត់ចោមចៅ៣ ខណ្ឌពោធិសែនជ័យ ដោយដាក់ការសង្ស័យ លើគ្រូពេទ្យថាដាក់ថ្នាំលើសកម្រិតទៅវិញ កាលពីរសៀលថ្ងៃទី២០ ខែមករា ឆ្នាំ២០២១។
ភាគីអ្នកជំងឺដែលស្លាប់នៅមន្ទីរពេទ្យរុស្សីនោះមានឈ្មោះ អឿន អ៊ី ភេទប្រុស អាយុ២៩ឆ្នាំ មុខរបរ ជាងតុទូ មានប្រពន្ធឈ្មោះ ខុម ស្រ៊ីម អាយុ២៩ឆ្នាំ មានកូនស្រីម្នាក់ អាយុទើបជាង១ខួ បស្នាក់នៅផ្ទះជួល ក្នុងភូមិព្រៃព្រីងជើងទី២ សង្កាត់ចោមចៅ៣ ខណ្ឌពោធិ៍សែនជ័យ មានស្រុកកំណើត ភូមិខ្ចារ ឃុំបារាយណ៍ ស្រុកស្រីសន្ធរ ខេត្តកំពង់ចាម។ អ្នកជំងឺបានស្លាប់ពេលក្រុមគ្រួសារ ដឹកតាមម៉ូតូកង់បីទៅមន្ទីរពេទ្យរុស្សី។
តាមសម្តីស្ត្រីភរិយានៃសពបានឲ្យដឹងថា ប្តីរបស់គាត់ កាលពីវេលាម៉ោង៨ព្រឹកថ្ងៃទី២០ ខែមករា ឆ្នាំ២០២១ កើតមានអាការៈចុកទ្រាំលែងបាន ក៏នាំគ្នាឌុបទៅផ្ទះពេទ្យមួយកន្លែងតាមផ្លូវបេតុងQMI ភូមិជម្ពូវ័ន២ សង្កាត់ចោមចៅ៣ ហើយគ្រូពេទ្យ ពិនិត្យវិភាគរោគវិច័យ មានទាំងចេញឯកសារវិភាគរោគជំងឺផងដែរ ឯកសារបញ្ជាក់ថាជំងឺក្រពះ។ ហើយគ្រូពេទ្យដាក់ថ្នាំចាក់សេរ៉ូម រហូតដល់វេលាម៉ោង១០ព្រឹកថ្ងៃដដែល គ្រូពេទ្យប្រាប់ឲ្យអ្នកជំងឺនៅសម្រាកដាក់សេរ៉ូម ឲ្យអស់សិនទៅ ងាយស្រួលតាមដានជំងឺបន្តទៀត ក៏ប៉ុន្តែសាម៉ីខ្លួន អ្នកជំងឺផ្ទាល់ រួមទាំងក្រុមគ្រួសារឃើញថា បាត់ចុ កចាប់ធូរស្រាលហើយ គិតលុយអស់២៧៦០០០រៀល រួចសុំពេទ្យចេញទៅផ្ទះទាំងមិនទាន់អស់សេរ៉ូ ម បើទោះជាពេទ្យឃាត់ឲ្យរងចាំអស់សេរ៉ូមសិនក៏ដោយ ក៏អ្នកជំងឺនៅតែចាកចេញទៅផ្ទះវិញដែរ ក្រោយមកបានប្រហែល៣០នាទី ក៏ស្រាប់តែអាការៈជំងឺរើធ្វើទុក្ខ ចុកទ្រាំលែងបានក៏លេបថ្នាំដែលពេទ្យឲ្យ១គ្រាប់ នៅតែមិនបាត់ចុកទៀត ។ ទ្រាំលែងបានក្រុមគ្រួសារដឹកវិលទៅផ្ទះពេទ្យវិញ តែគាប់ជួនគ្រូពេទ្យជាប់រវល់ចាកចេញទៅខេត្តកំពតបាត់ មិនបានជួប ក៏នាំគ្នាដឹកជនរងគ្រោះតាមម៉ូតូកង់បី ទៅផ្ទះពេទ្យផ្សេងទៀត៕
