បាត់ដំបង ៖ ត្រាក់ទ័រ១គ្រឿង ត្រូវបានគ្រាប់មិនតោនសេសសល់ពីសម័យសង្គ្រាម បំផ្លិចបំផ្លាញជីវិតអ្នកចំការ និងទ្រព្យសម្បត្តិយ៉ាងអាណោចអាធ័ម។
បើយោងតាមសេចក្តីរាយការណ៍ពីសមត្ថកិច្ចកន្លែងកើតហេតុ បានឲ្យដឹងថា នៅថ្ងៃទី២៦ ខែមករា ឆ្នាំ២០២១ វេលាម៉ោង១០.២៥ នាទី នៅត្រង់ ចំណុច ខាងកើតវត្តស្រែក្នុងភូមិស្រះចក មានត្រាក់ទ័រមួយគ្រឿងម៉ាកហ្វត របស់ឈ្មោះ សន សៅ ភេទប្រុស អាយុ៤២ ឆ្នាំ មានទីលំនៅភូមិអូរចំណិប ឃុំតាស្តា ស្រុកសំពៅលូន បើកបរដោយឈ្មោះ ឌុល គង់ ភេទ ប្រុស អាយុ៤៥ ឆ្នាំ មានទីលំនៅភូមិ អូរកណ្តោល ឃុំសន្តិភាព បានភ្ជួរដីចំការរបស់ឈ្មោះ ពៅ គឹមហ៊ាង ភេទប្រុស អាយុ ៤៨ ឆ្នាំ មានទីលំនៅ ក្រុងភ្នំពេញ បានជាន់មិនតោន ដែលសេសសល់ពីជំនាន់សង្គ្រាម បណ្តាលអោយផ្ទុះ ខូចខាតត្រាក់ទ័រប្រហែល៤០% និងអ្នកបើកត្រាក់ទ័រ ឈ្មោះ ឌុល គង់ រងរបួសធ្ងន់ត្រូវ ដៃនិងខ្លួនខាងស្តាំ បញ្ជូនទៅសង្គ្រោះនៅមន្ទីរពេទ្យបង្អែកស្រុកសំពៅលូន៕
