ក្រុងព្រះសីហនុ ៖ មានករណីគ្រោះថ្នាក់ចរាចរណ៍មួយកើតឡើងរវាងរថយន្តនិងម៉ូតូ បណ្តាលឲ្យបុរស២នាក់រងរបួសស្រាល។
ករណីគ្រោះថ្នាក់ចរាចរណ៍ខាងលើនេះកើតឡើង នៅវេលាម៉ោង០៦:០០នាទីល្ងាចថ្ងៃទី៣០ ខែមករា ឆ្នាំ២០២១ នៅលើវិថីឯករាជ្យ ម្តុំអូរសំអាត ស្ថិតក្នុងភូមិ២ សង្កាត់៣ ក្រុង/ខេត្តព្រះសីហនុ ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេប្រទះឃើញរថយន្តសេរីទំនើបមួយគ្រឿង ម៉ាកRush ពណ៌សរ ពាក់ស្លាកលេខ ភ្នំពេញ 2BC-2860 បានបើកបត់ឆ្វេងក្នុងគោលបំណង ដើម្បីឆ្លងផ្លូវ តែមិនប្រយ័ត្នក៏បុកប៉ះ យ៉ាងពេញទំហឹង និងម៉ូតូសង់កូរ៉េមួយគ្រឿង ពណ៌ក្រហម គ្មានស្លាកលេខ ខណៈម៉ូតូកំពុងបើកបរស្របផ្លូវ ពីលិចទៅកើត បណ្តាលឲ្យបុរស២នាក់រងរបួសស្រាល ។
បច្ចុប្បន្នសមត្ថកិច្ចបានចុះមកវាស់វែងទីតាំងកន្លែងកើតហេតុ និងស្ទួចយកវត្ថុតាមទាំងពីរទៅ ប៉ុស្តិ៍នគរបាលចរាចរណ៍ផ្លូវគោកខេត្តព្រះសីហនុ រងចាំការដោះស្រាយបន្តតាមនីតិវិធីច្បាប់ ៕
