ខេត្តកំពង់ឆ្នាំង: បុរសម្នាក់បានស្លាប់នៅក្នុងករណីគ្រោះថ្នាក់ចរាចរដោយសាររថយន្តដឹកដីធុនធំបុកម៉ូតូក្លិនជាប់ក្រោមរថយន្ត។ ហេតុការខាងលើនេះបានកើតឡើងនៅវេលាម៉ោង១២និង៣០នាទីថ្ងៃទី៣០ ខែមករា ឆ្នាំ២០២១ លើផ្លូវជាតិលេខ ៥ ចន្លោះបង្គោលគីឡូម៉ែត្រលេខ ១០៣ និង១០៤ ស្ថិតនៅក្នុងភូមិថ្មកែវ ឃុំស្វាយជ្រុំស្រុករលាប្អៀរ ខេត្តកំពង់ឆ្នាំង។
សមត្ថកិច្ចនគរបាលប៉ុស្តិ៍ស្វាយជ្រំបាននិយាយឲ្យដឹងថា គ្រោះថ្នាក់ចរាចរណ៍នេះបានកើតឡើងដោយសាររថយន្តដឹកដីធុនធ្ងន់បុកម៉ូតូក្នុងទិសដៅច្រាសគ្នា រវាងរថយន្តបុកនិងម៉ូតូ ក្នុងទិសដៅច្រាស់គ្នា បណ្ដាលឲ្យស្លាប់បុរសម្នាក់ជាអ្នកបើកបរម៉ូតូ មានឈ្មោះណឹប សុខ អាយុ២០ឆ្នាំ រស់នៅក្នុងភូមិពន្លៃ ឃុំពន្លៃ ស្រុកបរិបូណ៍ ខេត្តកំពង់ឆ្នាំង ជិះម៉ូតូម៉ាក់ស្កុបពី
ពណ៍ឈាមជ្រូក ពាក់ស្លាក់លេខភ្នំពេញ1BL6203 ដោយខូចម៉ូតូ ០១គ្រឿង ធ្ងន់ ។
ចំណែករថយន្តដឹកដីធុនធំម៉ាកSCANIAពណ៍សពាក់ស្លាកលេខកំពង់ឆ្នាំង3A 1207 បានរងការខូចខាត ស្រាល ដោយ ក្រោយ ពេលកើតហេតុអ្នកបើកបររថយន្តចុះរត់គេចខ្លួនបាត់បន្សល់ទុករថយន្តនៅកន្លែងកើតហេតុ ។
ដោយឡែកអ្នករងគ្រោះត្រូវបានក្រុមគ្រួសារមកទទួលយកសពទៅកានើលំនៅឋាន ដើម្បីរៀបចំធ្វើបុណ្យតាមប្រពៃណី ។
ចំណែកវត្ថុតាងទាំង២ត្រូវនាំយកមករក្សាទុកនៅអធិការរដ្ឋាននគរបាលស្រុករលាប្អៀររង់ចាំធ្វើ ការដោះស្រាយតាមនិតិវិធី៕
