ខេត្តប៉ៃលិន ៖ នៅវេលាម៉ោង១៣ និង ៥០នាទី ថ្ងៃសុក្រទី៣០ ខែមករា ឆ្នាំ ២០២១ មានករណីគ្រោះថ្នាក់អគ្គិភ័យ កើតឡើងបណ្តាលឲ្យឆេះរថយន្តចំនួន ១គ្រឿង ម៉ាកកែនញ៉ារ នៅចំណុចផ្លូវជាតិលេខ៥៧ ដែលស្ថិតនៅ ភូមិ ដីក្រហម សង្កាត់ អូតាវ៉ៅ ក្រុងប៉ៃលិន ខេត្តប៉ៃលិន។
អ្នកបើកបរឈ្មោះ ជា កុសល ភេទ ប្រុស អាយុ ២៧ ឆ្នាំ រស់នៅ ភូមិ ថ្មី ឃុំ ចំបក់ ស្រុក ស្វាយជ្រុំ ខេត្ត ស្វាយរៀង មិនមានគ្រោះថ្នាក់អ្វីឡើយ ។
ការខូចខាតសម្ភារ៖- រថយន្តឆេះខូចខាតមួយកំណាត់មុខទាំងស្រុង,- ទូរស័ព្វដៃនិង- លុយនិងរបស់របរនៅក្នុងកាបូបលុយទាំងអស់។
កម្លាំងការិយាល័យ បង្ការពន្លត់អគ្គិភ័យ និងសង្គ្រោះ បានចេញរថយន្តពន្លត់អគ្គិភ័យចំនួន ០៤ គ្រឿង សហការជាមួយកម្លាំងអធិការក្រុង និងកម្លាំងប៉ុស្តិ៍នគរបាលអូតាវ៉ៅ៕