(កណ្ដាល)៖អគ្គិភ័យបានឆាបឆេះឃ្លាំងផ្ទុកអេតចាយមួយកន្លែងស្ថិតនៅភូមិព្រែកតូចឃុំព្រែកទន្លាប់ ស្រុកលើកដែកខេត្តកណ្ដាលកាលពីរសៀលថ្ងៃទី៣០ខែមករាឆ្នាំ២០២១សមត្ថកិច្ចប្រើរថយន្តបាញ់ទឹកប្រមាណ២០គ្រឿងទើបរលត់។
លោក ផាន់ វណ្ណី នាយការិយាល័យបង្ការ និងពន្លត់អគ្គិភ័យ នៃស្នងការដ្ឋាននគរបាលខេត្តកណ្ដាល បានឱ្យដឹងថា៖បន្ទាប់ពីទទួលព័ត៌មានថាមានអគ្គិភ័យឆាបឆេះភ្លាមកម្លាំងនគរបាលស្រុកលើកដែក,ស្រុកកៀនស្វាយព្រមទាំងក្រុមសមត្ថកិច្ចពាក់ព័ន្ធ។ក្នុងនោះមានការជួយពីរថយន្តទឹករបស់នគរបាលស្រុកពាមរោទ៍ខេត្តព្រៃវែងចេញរថយន្តពន្លត់អគ្គិភ័យទៅសង្គ្រោះបន្ទាន់។
ក្រុមការងារបានបាញ់ទឹកពន្លត់ដែលកំពុងតែឆាបឆេះឃ្លាំងស្តុកអេតចាយដ៏ធំរហូតគ្រប់គ្រងបានល្អក្រោយពេលបាញ់រថយន្តអស់ចំនួន២០រថយន្តរួចមក។លោកបានបញ្ជាក់ទៀតថាចំពោះមូលហេតុនៃការបង្កឱ្យកើតមានអគ្គិភ័យនេះគេពុំទាន់ដឹងច្បាស់នៅឡើយទេ។ខណៈដែលឃ្លាំងស្តុកអេតចាយមួយរបស់ឧកញ៉ាឡាចទូចរងការខូចខាតហើយមិនមានប៉ះពាល់ដល់អាយុជីវិតឬរងគ្រោះលើនរណាម្នាក់ទេ៕សហការី
