រាជធានីភ្នំពេញ៖ លោកស្រី រដ្ឋមន្ត្រីក្រសួងវប្បធម៌ និង វិចិត្រសិល្បៈ និងជា ប្រធាន ក្រុមប្រឹក្សាពិន័យ និងលើកសរសើរ សូមអញ្ជើញ ម្ចាស់ Page Hokima និងអ្នកសម្តែង រឿងទុំទាវ ក្នុង Page Hokima ចូលមកកាន់ទីស្តីការ ក្រសួងវប្បធម៌ និងវិចិត្រសិល្បៈ បន្ទប់លេខាធិការដ្ឋាន ក្រុមប្រឹក្សា ពិន័យនិងលើកសរសើរ នៅថ្ងៃពុធ ទី១០ ខែកុម្ភៈ ឆ្នាំ២០២១ វេលាម៉ោង៩.០០នាទីព្រឹក ។ ដើម្បីចូលមកបំភ្លឺ ករណីថតរឿងទុំទាវ២០២១ ដែលធ្វើឱ្យមានផលប៉ះពាល់ដល់សាសនា វប្បធម៌ជាតិ និង ប្រពៃណីជាតិ ។
ម្ចាស់ Page Hokima និងអ្នកសម្តែង ក្នុងរឿងទុំទាវ២០២១ ក្នុង Page Hokima ទាំងអស់ ត្រូវ ចូលខ្លួនមកបំភ្លឺឲ្យទាន់ពេលវេលាតាម កាលបរិច្ឆេទខាងលើជាកំហិត ។ បើពុំដូច្នោះទេ ក្រសួងនឹង បន្តនីតិវិធីចាត់វិធានតាមផ្លូវច្បាប់ ដោយការចាំបាច់ ៕