បរទេស ៖ ផែនការរួមសម្រាប់តំបន់ថ្មី នៃតំបន់ពាណិជ្ជកម្មសេរីទីក្រុងសៀងហៃ FTZ នឹងជួយជំរុញការប្រកួតប្រជែងជាអន្តរជាតិរបស់ទីក្រុងសៀងហៃ ដោយជួយសម្រួលដល់ការវិនិយោគក្រៅប្រទេស មូលធន និងលំហូរទំនិញ។
ក្រុមប្រឹក្សារដ្ឋចិន បានចេញផែនការរួម សម្រាប់តំបន់ថ្មី នៅតំបន់ឡាងហ្គាង នៃតំបន់ពាណិជ្ជកម្មសេរីទីក្រុងសៀងហៃ។ យោងតាមផែនការនេះ តំបន់ថ្មី ត្រូវនឹងស្តង់ដារនៃ តំបន់ពាណិជ្ជកម្មសេរី ដែលមានការប្រកួតប្រជែងច្រើនបំផុត នៅទូទាំងពិភពលោក និងអនុវត្តគោលនយោបាយបើកចំហរ និងប្រព័ន្ធបើកចំហ ជាមួយនឹងការប្រកួតប្រជែងទីផ្សារសកលរឹងមាំ។ តំបន់នេះ នឹងក្លាយជា តំបន់មុខងារសេដ្ឋកិច្ចពិសេសមួយ ដ៏មានឥទ្ធិពល និងការប្រកួតប្រជែងជាសកល ដើម្បីអនុវត្តន៍យុទ្ធសាស្រ្តបើកចំហរបស់ប្រទេស ឱ្យកាន់តែប្រសើរឡើង។
គោលនយោបាយនេះ គឺការបើកចំហរអាជីវកម្មប្រាក់យេន (RMB) ដែលនឹងអនុញ្ញាតឱ្យក្រុមហ៊ុន ពហុជាតិសាសន៍ នៅក្នុងតំបន់ថ្មីនេះ អាចធ្វើពាណិជ្ជកម្មក្រៅប្រទេស នៅទូទាំងពិភពលោក។
លោកម៉ា ជុន ប្រធានក្រុមហ៊ុន Volvo អ៊ិនវេសមេន បាននិយាយថា ក្រុមហ៊ុនទាំងនោះ នឹងទទួលបានអត្ថប្រយោជន៍ជាច្រើនពីគោលនយោបាយនេះ។ លោក ម៉ា បាននិយាយថា គេរំពឹងថានៅឆ្នាំ ២០១៩ ប្រសិនបើរាល់ការទូទាត់នៅក្រៅប្រទេស ត្រូវបានបង្កើតឡើង យើងនឹងទទួលប្រាក់ចំណូល អាជីវកម្ម ពី ២ ទៅ ៣ ពាន់លានដុល្លារ ដោយចំណូលអាជីវកម្ម ត្រូវបានផ្សារភ្ជាប់ជាមួយនឹងគំរោង ខ្សែក្រវាត់ និងផ្លូវ ដើម្បីឈានដល់ទឹកប្រាក់ ១០០ លានដុល្លារអាមេរិក។
តំបន់ថ្មីនេះ នឹងមិនត្រឹមតែជួយសម្រួលដល់ការវិនិយោគនៅបរទេស និងលំហូរមូលធនប៉ុណ្ណោះទេ ប៉ុន្តែថែមទាំងដឹងពីលំហូរទំនិញដោយសេរីផងដែរ៕
