ខេត្តកំពង់ស្ពឺ ៖ បុរសជាជនជាតិចិនម្នាក់ត្រូវបាននគរបាលស្រុកសំរោងទងសហការជាមួយនគរបាលអន្តោប្រវេសន៍ខេត្តធ្វើការឃាត់ខ្លួនកសាងសំណុំរឿងចាត់ការតាមផ្លូវច្បាប់ខណៈដែលជនជាតិចិនរូបនោះបានយកដៃទៅស្ទាបអង្អែលនារីបំរើការងារស្រាបៀរហើយនាងរើបំរះហើយត្រូវបានបុរសជនជាតិចិនយកកែវគប់បណ្តាលអោយបែកក្បាល បង្កអោយមានការភ្ញាក់ផ្អើលកាលពីវេលាម៉ោង១០និង៣០នាទីយប់ថ្ងៃទី០១ ខែកក្កដា ឆ្នាំ២០១៩នៅចំណុចហាងផឹកស៊ីយីហោ ម្លប់ត្នោត៩៤ ស្ថិតនៅក្នុងភូមិព្រៃគុយ ឃុំត្រពាំងគង ស្រុកសំរោងទង។
តាមការអោយដឹងពីនគរបាលស្រុកថា មានជនជាតិចិនឈ្មោះ តុង មីងលៀង ( TUO MINGLANG) ភេទប្រុស ឆ្នាំកំណើត០២/OCT/១៩៨៧ កាន់លិខិតឆ្លងដែនលេខ E៧៨១២១៩៣៦ ប្រើប្រាស់ទិដ្ឋាការប្រភេទ E០២០៤៣០៩៦ ផុតសុពលភាព ២២ /May/២០២០ ជាបុគ្កលិកបំរើការងារនៅក្នុងក្រុមហ៊ុនជីងហួយ ផលិតក្រដាស់ ស្ថិតនៅភូមិអូរទំពូង ឃុំរកាកោះ ស្រុកគងពិសី ខេត្តកំពង់ស្ពឺ នៅមុនពេលកើតហេតុបុរសជនជាតិចិនខាងលើបានទៅផឹកស៊ីនៅក្នុងហាងយីហោ(ម្លប់ត្នោត៩៤) ស្ថិតនៅភូមិព្រៃគុយ ឃុំត្រពាំងគង ស្រុកសំរោងទង ខេត្តកំពង់ស្ពឺ ហើយបានយកដៃទៅស្ទាបកេរ្តិខ្មាសនារីម្នាក់មាន ឈ្មោះ សំ សុម៉ាលី អាយុ២៤ ឆ្នាំ ស្នាក់នៅផ្ទះជួលភូមិព្រៃសំរោង ឃុំដំណាក់អំពិល ស្រុកអង្គស្នួល ខេត្តកណ្តាល (ជាបុគ្កលិកបំរើស្រាបៀរ) តែត្រូវនារីខាងលើរើបំរះ ហើយជនជាតិចិនខាងលើខឹងបាន យកកែវស្រា គប់បណ្តាលអោយត្រូវចំក្បាលផ្នែកខាងក្រោយរងរបួស ក្រោយមកមានការភ្ញាក់ផ្អើល។
ក្រោយមកសមត្ថកិច្ចជំនាញព្រហ្មទណ្ឌស្រុក សហការជាមួយផ្នែកអន្តោប្រវេសន៍ នឹងប៉ុស្តិរដ្ឋបាល ឃាត់ជនជាតិចិនខាងលើ បញ្ជូនមក អធិការដ្ឋាននគរបាលស្រុកសំរោងទង ដើម្បីកសាងសំណុំចាត់ការបន្តតាមផ្លូវច្បាប់៕
