ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជាបានទទួលជួបពិភាក្សាការងារ ជាមួយអនុប្រធានគណៈកម្មការជាតិ នៃក្រុមប្រឹក្សានយោបាយប្រជាជនចិន និងជាប្រធានមជ្ឈមណ្ឌលខ្សែក្រវាត់និងផ្លូវនៃប្រទេសចិន។ ឯកឧត្តម លឿង ជុនយីង នឹងបន្តជួយវះកាត់ភ្នែកកន្ទុយថ្លែនជូនពលរដ្ឋកម្ពុជាបន្តទៀត ក្រោយជួយវះកាត់ពលរដ្ឋជាច្រើននាក់ដោយជោគជ័យនៅខេត្តកំពង់ចាម។
លោក លឿង ជុនយីង បានរាយការណ៍ជូនសម្ដេចតេជោថា លោកបាននាំគ្រូពេទ្យស្ម័គ្រចិត្តមកជួយដល់ប្រជាពលរដ្ឋកម្ពុជាដែលមានបញ្ហាភ្នែកនៅខេត្តកំពង់ ចាម ជាលើកទី២។ លោកបានពិនិត្យឃើញថាប្រជាជ នកម្ពុជាមានបញ្ហាភ្នែកកើតកន្ទុយថ្លែនច្រើន នឹងបញ្ហាភ្នែកដ៏ទៃទៀត ដូច្នេះ ឯកឧត្តមក៏បានរៀបចំឲ្យមានមជ្ឈមណ្ឌល ដើម្បីធ្វើយ៉ាងណាជួយដល់ប្រជាពលរដ្ឋខេត្តកំពង់ចាម ដែលមានបញ្ហាភ្នែកឱ្យជាសះស្បើយទាំងអស់គ្នា។
លោកបានមានប្រសាសន៍ថា ការព្យាបាលភ្នែកកន្ទុយថ្លែននោះ គឺជាការងាយបំផុត មិនមានគ្រោះថ្នាក់ ហើយមិនមានការឈឺចាប់នោះទេ និយាយរួមការងារនេះគឺជាការងារមិនគួរឲ្យមានការព្រួយបារម្ភនោះឡើយ តែជាការងារដែលគ្រូពេទ្យជាច្រើនបានធ្វើទទួលបានជោគជ័យ១០០%ផងដែរ។
លោកក៏បានលើកឡើងពីករណីមួយគឺការវះកាត់ទៅលើបុរសវ័យចំណាស់ម្នាក់ដែលមានភ្នែកកើតកន្ទុយថ្លែន បន្ទាប់ពីការវះកាត់រយៈពេល២០នាទីទៅ៣០នាទីមក ១ថ្ងៃក្រោយមកភ្នែករបស់គាត់ក៏អាចមើលឃើញច្បាស់ឡើងវិញ ដូចធម្មតា បន្ទាប់ពីគាត់មើលមិនឃើញអស់រយៈពេល៧ឆ្នាំមកហើយ។ ចំនុចនេះហើយធ្វើឲ្យទឹកចិត្តរបស់ក្រុមគ្រូពេទ្យរបស់លោក កាន់តែមានទឹកចិត្តបន្ថែមទៀត សម្រាប់ការចូលរួមជួយព្យាបាលជំងឺដល់ប្រជាពលរដ្ឋកម្ពុជាបន្ថែមទៀត។
ក្នុងរយៈពេល៩ខែកន្លងមកនេះ ក្រុមគ្រូពេទ្យរបស់លោកចំនួន១២នាក់ ដែលប្រចាំការនៅខេត្តកំពង់ ចាម ហើយបានបញ្ចប់បេសកកម្មប្រកបដោយជោគជ័យគឺអ្នកជំងឺប្រមាណជា ៨២០៨នាក់ ទូទាំងខេត្តមានបញ្ហាភ្នែកកើតកន្ទុយថ្លែននោះ ហើយទទួលបាននូវការព្យាបាល និងជាសះស្បើយ។
លោកបញ្ជាក់ថា បន្ទាប់ ពីបេសកកម្មនៅខេត្តកំពង់ចាម ឯកឧត្តមនឹងបន្តទៅកាន់ខេត្តព្រៃវែង ដោយឧបករណ៍សម្ភារៈគ្រឿងប្រើប្រាស់នៅខេត្តកំពង់ចាម គឺរក្សានៅខេត្តកំពង់ ចាមដដែល ផ្ទុយទៅវិញលោកនឹងយកឧបករណ៍ថ្មីទៅកាន់ខេត្តព្រៃវែងជាបន្តទៀត។ លោក បន្តទៀតថា អ្វីដែលក្រុមគ្រូពេទ្យធ្វើនៅពេលនេះទី១)បម្រើការងារមនុស្សធម៌ដើម្បីជួយដល់ប្រជាពលរដ្ឋកម្ពុជា ទី២)ជំរុញទំនាក់ ទំនងរវាងប្រជាជន និងប្រជាជន ស្របទៅនឹងគោល នយោបាយខ្សែក្រវ៉ាត់មួយផ្លូវមួយរបស់ចិន។ លោកបានស្នើសុំសម្ដេចតេជោ អោយក្រសួងសុខាភិបាលបន្តគាំទ្រដល់ក្រុមការងាររបស់ឯកឧត្តមជាបន្តទៀតក្នុងគោលដៅជួយដល់ប្រជាពលរដ្ឋកម្ពុជា។
ជាការឆ្លើយតប សម្តេចតេជោបានថ្លែងអំណរគុណយ៉ាងជ្រាលជ្រៅចំពោះឯកឧត្តម ជុនយីង ក៏ដូចជាក្រុមកា រងារ និងគ្រូពេទ្យទាំងអស់ដែលបានផ្ដល់ការបរិច្ចាគ ដើម្បីបម្រើផលប្រយោជន៍មនុស្សធម៌ដល់ប្រជាពលរដ្ឋកម្ពុ ជា។
ការព្យាបាលជំងឺភ្នែកជាបន្តទៀតទៅដល់ប្រជា ពលរដ្ឋនៅខេត្តព្រៃវែង សម្ដេចតេជោបានមានប្រ សា សន៍ថាទីនោះក៏ជាទីតាំងល្អដែរ ហើយគប្បីណាជួយដល់ប្រជាពលរដ្ឋដែលរស់នៅខេត្តជាប់ខេត្ត ព្រៃវែងផងដែររួមមានខេត្តត្បូងឃ្មុំ និងខេត្តស្វាយ រៀងជាដើម។ សម្តេចតេជោនាយករដ្ឋមន្ត្រីបានបន្តថា ការជួយប្រជា ពលរដ្ឋយើងឱ្យមានភ្នែកភ្លឺឡើងវិញនេះ ជាការពិតណាស់គឺជាការងារមនុស្សធម៌មួយ ហើយសម្ដេចតេជោយល់ច្បាស់នូវអារម្មណ៍ដែលប្រជាពលរដ្ឋទទួលបានភ្នែកភ្លឺមកវិញនេះ ហើយសម្ដេចតេជោក៏បានមានប្រសាសន៍ថា តាមព្រះពុទ្ធសាសនា ការធ្វើអំពើល្អតែងតែបានបុណ្យកុសលច្រើនណាស់៕
