អាមេរិក ៖ ប្រទេសអង់គ្លេសនិងអាល្លឺម៉ង់បាននិយាយកាលពីថ្ងៃពុធថា ពួកគេមានស្តុកថ្នាំ Remdesivir គ្រប់គ្រាន់ដែលជាថ្នាំដំបូងគេដែលត្រូវបានគេបង្ហាញថា មានប្រសិទ្ធភាពក្នុងការព្យាបាល COVID-19 ហើយក្នុងនោះសហរដ្ឋអាមេរិកក៏បានប្រមូលទិញស្ទើរអស់ពីស្តុកហើយ។ នេះបើយោងតាមប្រភពពី CNA។
ទីក្រុងវ៉ាស៊ីនតោនបានប្រកាសនៅសប្តាហ៍នេះថាខ្លួនបានទិញថ្នាំ remdesivir ស្ទើរ៩២ ភាគរយដែលបញ្ជាទិញពីក្រុមហ៊ុន Gilead ដែលមានលទ្ធភាពប្រើប្រាស់រហូតដល់ដំណាច់ខែកញ្ញា និងមានសមត្ថភាពព្យាបាលអ្នកជំងឺរហូតដល់ ៥០០,០០០នាក់ គិតជាមធ្យមចំនួន ៦.២៥ភាគេរយ។
រដ្ឋមន្ត្រីក្រសួងសុខាភិបាលលោក Alex Azar បាននិយាយថាប្រធានាធិបតីអាមេរិកលោក Donald Trump ក៏បានធានាផងដែរថា ថ្នាំដែលត្រូវបានអនុញ្ញាតដំបូង ដោយក្រុមជំនាញខាងលើនេះ នឹងគ្រប់គ្រាន់តាមតម្រូវការ។
ថ្នាំនេះត្រូវបានសហរដ្ឋអាមេរិកអនុម័តឲ្យប្រើប្រាស់កាលពីថ្ងៃទី១ខែឧសភា ដើម្បីព្យាបាលអ្នកជំងឺ COVID-19 ក្រោយការពិសោធន៍ ដោយក្រុមអ្នកជំនាញជាតិបានរកឃើញថា ថ្នាំនេះមានប្រសិទ្ធភាពព្យាបាលអ្នកជំងឺបានលឿន ជាងថ្នាំផ្សេងៗទៀត។
សូមជម្រាបថា ការប្រមូលទិញរបស់ទីក្រុងវ៉ាស៊ីនតោនបានធ្វើឱ្យមានការព្រួយបារម្ភអំពីការខ្វះខាតនៅក្នុងពិភពលោក ប៉ុន្តែយ៉ាងហោចណាស់ប្រទេសអឺរ៉ុបចំនួនពីរបាននិយាយកាលពីថ្ងៃពុធថាពួកគេមិនមានការព្រួយបារម្ភទេ។
អ្នកនាំពាក្យរបស់នាយករដ្ឋមន្ត្រីអង់គ្លេសបាននិយាយថា“ សម្រាបថ្នាំប្រភេទគឺចក្រភពអង់គ្លេសមានស្តុកគ្រប់គ្រាន់ហើយ” ។ ចំណែកអ្នកនាំពាក្យក្រសួងសុខាភិបាលអាល្លឺម៉ង់បាននិយាយថា “រដ្ឋាភិបាលបានធានាការស្តុកទុកនៃការបញ្ជូនទៅមន្ទីរពេទ្យភ្លាមៗសម្រាប់ការព្យាបាលអ្នកជម្ងឺកូរ៉ូណា។ នៅពេលនេះមានទុនបំរុងគ្រប់គ្រាន់”៕
