ភ្នំពេញ ៖ រដ្ឋាករទឹកស្វយ័តក្រុងភ្នំពេញ នឹងការផ្អាកផ្គត់ផ្គង់ទឹកស្អាត រយៈពេលខ្លីនៅតំបន់មួយចំនួន ក្នុងខណ្ឌចំការមន ខណ្ឌឬស្សី និងខណ្ឌដង្កោក្នុងរាជធានីភ្នំពេញ នៅយប់ថ្ងៃទី១២ ១៣ និងថ្ងៃទី១៥ខែមករា ឆ្នាំ២០២១ ដោយសារតែអ្នកជំនាញកាត់ភ្ជាប់បំពង់ចែកចាយទឹកថ្មី។
យោងតាមសេចក្តីជូនដំណឹងរបស់រដ្ឋាករទឹកស្វយ័តក្រុងភ្នំពេញ បានបញ្ជាក់ថា ការផ្អាកផ្គត់ផ្គង់ទឹកនៅតំបន់សង្កាត់ជើងឯកខណ្ឌដង្កោ នៅថ្ងៃទី១២ខែមករាឆ្នាំ២០២១ មានរយៈពេលខ្លីប្រមាណ៤ម៉ោងចាប់ពីម៉ោង៨យប់ដល់ម៉ោង១២យប់។
ការផ្អាកផ្គត់ផ្គង់ទឹកនៅតំបន់សង្កាត់ទន្លេបាសាក់ខណ្ឌចំការមន នៅថ្ងៃទី១៣bខែមករា ឆ្នាំ២០២១ មានរយៈពេលខ្លីប្រមាណ៤ម៉ោងចាប់ពីម៉ោង៨យប់ដល់ម៉ោង១២យប់។
ការផ្អាកផ្គត់ផ្គង់ទឹកនៅតំបន់ភូមិសាស្ត្រខណ្ឌឬស្សីកែវ នៅថ្ងៃទី១៥ខែមករាឆ្នាំ២០២១ មានរយៈពេលខ្លីប្រមាណ៨ម៉ោង ចាប់ពីម៉ោង៨យប់ដល់ម៉ោង៤ទៀបភ្លឺ៕
