បាត់ដំបង ៖ យ៉ាងហោចណាស់យុវជនម្នាក់ បានស្លាប់យ៉ាងរន្ធត់ក្នុងហេតុការណ៍គ្រោះថ្នាក់ចរាចរណ៍កាលពីវេលាព្រឹក ៦:២០ ថ្ងៃទី ៨ ខែមករាឆ្នាំ ២០២១ ស្ថិតនៅលើកំណាត់ផ្លូវជាតិលេខ៥ ក្រុមទី៤៨ ភូមិតាសី ឃុំតាម៉ឺន ស្រុកថ្មគោលខេត្តបាត់ដំបង។
គួរបញ្ជាក់ផងដែរថា ករណីគ្រោះថ្នាក់ចរាចរណ៍ខាងលើ បានកើតឡើង រវាងរថយន្ត និងម៉ូតូមួយគ្រឿងម៉ាក ឌ្រីម សេ១២៥ពណ៌ខ្មៅស៊េរី ២០១៥ បណ្តាលអោយអ្នកបើកបរម៉ូតូស្លាប់ ១នាក់ ឈ្មោះ ឆុន រីឆាត រស់នៅភូមិនិគមក្រៅ ឃុំជ្រោយស្តៅស្រុកថ្មគោល ខេត្តបាត់ដំបង។ ចំណែករថយន្តក្រោយពីបានបង្កហេតុរួចបានបើករត់គេចបាត់ស្រមោល បន្សល់ទុកតែជនរងគ្រោះនិងម៉ូតូ នៅនឹងកន្លែង។
បច្ចុប្បន្នសមត្ថកិច្ច បានប្រគល់សពឲ្យទៅគ្រួសារយកទៅធ្វើបុណ្យតាមប្រពៃណី និងបន្តការតាមដានវែករកមុខជនបង្កបន្តទៀត៕
