ភ្នំពេញ ៖ កម្លាំងចម្រុះគណៈបញ្ជាការឯកភាពរដ្ឋបាលខណ្ឌមានជ័យ នៅវេលាម៉ោង១៩:៣០នាទីយប់នេះ ថ្ងៃពុធ ទី១៣ ខែមករា ឆ្នាំ២០២១ ដឹកនាំដោយលោក ឌី រ័ត្នខេមរុណ អភិបាលរងខណ្ឌមានជ័យ បានដឹកនាំកម្លាំងចម្រុះចុះត្រួតពិនិត្យច្បាប់ចរាចរណ៍ផ្លូវគោក ត្រួតពិនិត្យអាវុធជាតិផ្ទុះគ្រឿងញៀន គ្រឿងស្រវឹង នៅចំណុចផ្លូវជាតិលេខ២ ត្រង់ចំណុចរង្វង់មូលព្រះនរាយណ៍ ប្រសព្វព្រំប្រទល់ក្រុងតាខ្មៅ ខេត្តកណ្តាល ស្ថិតក្នុងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។
ដោយមានសមាសភាពចូលរួមសរុប ៥៥នាក់ មានកម្លាំងអធិការខណ្ឌចំនួន ៣០នាក់ និងកម្លាំងកងរាជអាវុធហត្ថខណ្ឌចំនួន ១០នាក់ កម្លាំងសណ្ដាប់ធ្នាប់ខណ្ឌ-សង្កាត់ ចំនួន ១៥នាក់ ។
ក្នុងនោះលទ្ធផលក្នុងការត្រួតពិនិត្យមាន ៖ បានត្រួតពិនិត្យរថយន្តតូចធំឆ្លងកាត់ចំនួន ៩២គ្រឿង, ត្រួតពិនិត្យម៉ូតូឆ្លងកាត់ចំនួន ១៦០គ្រឿង , រថយន្តដែលត្រូវបកកញ្ចក់ខ្មៅ ចំនួនគ្មាន, ម៉ូតូគ្មានស្លាកលេខត្រូវអប់រំ គ្មាន, អាវុធជាតិផ្ទុះឆ្លងកាត់ គ្មាន, សារធាតុញៀនឆ្លងកាត់ គ្មាន ។ ក្នុងការត្រួតពិនិត្យអាវុធជាតិផ្ទុះបានបញ្ចប់នៅម៉ោង២១:០០នាថ្ងៃខែឆ្នាំដដែល៕
