កំពង់ស្ពឺ៖ លោកឧត្តមសេនីយ៍ឯក ហ៊ុន ម៉ាណែត គ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោកបានថ្លែងថា អង្គភាព៩១១បានប្រែក្លាយខ្លួន ពី កងពលតូចទៅជាបញ្ជាការដ្ឋានទ័ពពិសេសដោយបង្កើននូវវិសាលភាពតួនាទី និងភារកិច្ចកាន់តែធំជាងមុន។
ម្យ៉ាងវិញទៀតបញ្ជាការដ្ឋានទ័ពពិសេសមានវិសាលភាពធំធេងក្នុងការចូលរួមចំណែកថែរក្សាសុខសន្តិភាព និង ស្ថិរភាពសង្គមដោយហេតុថាជំនាញទ័ពពិសេសនេះគឺជាតម្រូវការចាំបាច់សម្រាប់បរិបទថ្មីនៃសង្គ្រាម បែបមិនប្រពៃណីដូចជា គ្រោះមហន្តរាយធម្មជាតិ និងអំពើភេរវកម្មជាដើម។
លោក ហ៊ុន ម៉ាណែត បានថ្លែងបែបនេះក្នុងពិធីបញ្ចុះបឋមសិលា សាងសង់សំណង់បចេ្ចកទេស លោតឆត្រយោងសម្ពធសមិទ្ធផលបិទវគ្គហ្វឹកហ្វឺនជំនាញកុម្ម៉ង់ដូ និង ជំនាញឆត្រយោងនៅឱរ៉ាល់ខេត្តកំពង់ស្ពឺ កាលពីថ្ងៃទី១៤ ខែមករា ២០២១។ សមិទ្ធផលនានាដែលត្រូវបានដាក់សម្ពោធថ្ងៃនេះ គឺ ជាអំណោយដ៏ថ្លៃថ្លាររបស់សម្តេចតេជោ និងសម្តេចកិតិព្រឹទ្ធបណ្ឌិត សម្រាប់ បម្រើឱ្យការងារហ្វឹកហ្វឺន ជំនាញទ័ពពិសេស ដែលស្ថិតនៅក្នុងលំដាប់ការងារ អាទិភាព របស់កងទ័ពជើងគោក។ ស្ថានភាពប្រុងប្រយ័ត្នពី បណ្តាស្ថាប័ន-កង ឯកភាព ទាំងអស់ បានចាត់វិធានការ និង អនុវត្តបាន នូវ រាល់ វិធាន ការ សុខាភិបាល យ៉ាង ខ្ជាប់ខ្ជួន ដោយមិនមានយោធិនណាម្នាក់ឆ្លងជំងឺកូវីដ-១៩ឡើយ។
សូមអរគុណចំពោះថ្នាក់ដឹកនាំក្រសួង-ស្ថាប័នពាក់ព័ន្ធ និងអាជ្ញាធរដែនដីគ្រប់លំដាប់ថ្នាក់ ដែលបានជ្រោមជ្រែង កសាងសមត្ថភាពកងទ័ព ទាំងការកសាងហេដ្ឋាចរនាសម្ព័ន្ធ ការហ្វឹកហ្វឺន និង ការធានាផ្សេងៗ។ ទាំងអស់នេះបានស្តែងឱ្យឃើញនូវកិច្ចខិតខំប្រឹងប្រែងរួមគ្នា ដោយ ឈរ លើ បុព្វ ហេតុរួម គឺការកសាងមូលដ្ឋាននៃកិច្ចការពារជាតិ ដើម្បីធានាបាននូវសន្តិភាពស្ថិតស្ថេរយូរអង្វែង និង ការកសាងឱកាសសម្រាប់ការអភិវឌ្ឍជាតិ។ ការអភិវឌ្ឍរីកចម្រើនដូចសព្វថ្ងៃ ជា សមិទ្ធ ផល នៃ នយោបាយឈ្នះ-ឈ្នះ ដែលកើតចេញពី បិតាស្ថាបនិកសន្តិភាពរបស់ សម្តេចតេជោនាយករដ្ឋមន្ត្រី ៕
