កំពង់ធំ៖បុរសម្នាក់ដួលនៅហ្នឹងដី ជិតធុងទឹកកកដាក់ក្លាសេសាច់ តូបលក់សាច់គោរបស់កូនបង្កើត ស្លាប់យ៉ាងអាណោចអាធ័ម ។ ហេតុការណ៍នេះបង្ករអោយមានការភ្ញាក់ផ្អើលកាលពីវេលាម៉ោង ០៨ និង ៣០ នាទី ថ្ងៃទី ១៧ ខែ មករា ឆ្នាំ ២០២១ នៅភូមិសង់ឃ្លាំង ឃុំតាំងក្រសាំង ស្រុកសន្ទុក ខេត្តកំពង់ធំ។
សពជនរងគ្រោះឈ្មោះ អាន សែ ភេទប្រុស អាយុ ៤៨ឆ្នាំ ជនជាតិខ្មែរ នៅភូមិសង់ឃ្លាំង ឃុំតាំងក្រសាំង ស្រុកសន្ទុក ខេត្តកំពង់ធំ។
តាមការបំភ្លឺរបស់កូនបង្កើតឈ្មោះ ប៉េង សាត ភេទប្រុស បានរៀបរាប់ថា ៖ កាលថ្ងៃទី ១៧ ខែមករា ឆ្នាំ ២០២១ វេលាម៉ោងប្រហែល ៦ និង ៣០ នាទី ខ្លួនបានទៅយកសាច់ជ្រូកនៅពាមអញ្ចាញ ភូមិកងមាស ហើយត្រឡប់មកវិញឪពុកក៏បានឈប់នៅតូបលក់សាច់គោរបស់ខ្លួន ហើយឲ្យខ្ញុំនិងប្អូនខ្ញុំទៅកន្លែងកាប់ជ្រូក នៅនឹងតូប របស់ខ្ញុំពេលមួយសន្ទុះក្រោយមកខ្ញុំបានត្រឡប់ មកពីតូបកាប់ជ្រូកវិញ បានឃើញ ឪពុករបស់ខ្ញុំដួលនៅហ្នឹងដី ជិតធុងទឹកកកដាក់ក្លាសេសាច់ ហើយខ្ញុំក៏បានលើកគាត់ដាក់ លើឡានយកមកផ្ទះ ហើយបានចូល ហៅបងថ្លៃខ្ញុំទៅជាមួយពេលទៅដល់មន្ទីរពេទ្យ មណ្ឌលសុខភាពតាំងក្រសាំង ។ ពេទ្យបានពិនិត្យ ហើយពេទ្យបាននិយាយប្រាប់ថា ជីពចរក៏គាត់លែងដើរហើយពេលនោះពួកខ្ញុំក៏ដឹកគាត់ត្រឡប់មកផ្ទះវិញ ហើយក៏រាយការណ៍ជូនសមត្ថកិច្ចតែម្ដងទៅ។
ដឹងព័ត៌មានខាងលើភ្លាមសមត្ថកិច្ចជំនាញយើង បានសហការជាមួយ ប៉ុស្តិ៍នគរបាលរដ្ឋ ក្រុមប្រឹក្សាឃុំ មេភូមិ គ្រូពេទ្យ និងក្រុមគ្រួសារសព ដើម្បីចូលរួមពិនិត្យ ទីកន្លែងកើតហេតុ និងសាកសព។
ការពិនិត្យនៅលេីដងខ្លួុន ពុំមានស្លាកស្នាមអ្វីកត់សម្គាល់ឡើយ ហើយបានធ្វើការសន្និដ្ឋានថា៖ ជនរងគ្រោះឈ្មោះ អាន សែ នេះស្លាប់ដោយសារខ្យល់គរ។
ក្រោយពីបានពិនិត្យចប់សព្វគ្រប់រួចហើយសមត្ថកិច្ចជំនាញយើងបានធ្វើកំណត់ហេតុ ប្រគល់សព ជូនទៅក្រុមគ្រួសារ យកទៅធ្វើបុណ្យតាមប្រពៃណី ៕
