ខេត្តឧត្ដរមានជ័យ៖ ក្រុមឈ្មួញដុះស្លែល្បីខាងរកស៊ីដឹកជញ្ជូនឈើខុសច្បាប់ និងកាប់បំផ្លិចបំផ្លាញផលអនុផលព្រៃឈើ ឈ្មោះ ដូច និងឈ្មោះ ចន្ថា បានដឹកជញ្ជូនឈើស្ទើររាល់យប់ មិនមានឃើញមន្ត្រីអាជ្ញាធរ និងសមត្ថកិច្ចជំនាញរដ្ឋបាលព្រៃឈើ ធ្វើការទប់ស្កាត់ បង្ការ និងបង្ក្រាបទាល់តែសោះ ឬមួយក៏ខ្លាចបាត់ផលប្រយោជន៍ នៃការប្រមូលលុយក្រោមតុលើតុ ពីក្រុមឈ្មួញរកស៊ីបទល្មើសឈើខុសច្បាប់។
ជាក់ស្ដែងវេលាម៉ោង ៥និង ០០ នាទីទៀបភ្លឺត្រូវនឹងថ្ងៃទី១៦ ខែមករា ឆ្នាំ២០២១ មានសេចក្ដីរាយការណ៍មកថា ក្រុមមេឈ្មួញឈ្មោះ ដូច បានដឹកឈើតាមរថយន្តសាំយ៉ុង ចេញពីខេត្តព្រះវិហារ ឆ្លងកាត់ស្រុកត្រពាំងប្រាសាទនិងស្រុកអន្លង់វែង ឆ្ពោះទៅខេត្តបន្ទាយជ័យនិងបានបង់លុយជូនសមត្ថកិច្ចគ្រប់ស្ថាប័នអស់ហើយ ដើម្បីការពារសុវត្ថិភាពនិងមើលផ្លូវអោយខ្លួន។
រីឯឈ្មោះ ចន្ថា ក៏ជាមេឈ្មួញជើងខ្លាំងមិនចាញ់ឈ្មោះដូច ប៉ុន្មានឡើយ? ព្រោះមេឈ្មួញរូបនេះ អាងខ្លួនជាមន្ត្រីយោធាវរ:៤១៣ និងមានខ្សែ ស្រឡាយធំគួរសមនៅក្នុងខេត្តឧត្ដរមានជ័យ ឋានៈនគរបាលផ្កាយ១។
តើលោក អ៊ឹម សៅវរិទ្ធ នាយខណ្ឌរដ្ឋបាលព្រៃឈើខេត្តមានជ័យ ដាក់មន្ត្រីក្រោមឱវាទ មកអោយបង្ក្រាបបទល្មើសធុនធានធម្មជាតិ ផលអនុផលព្រៃឈើ ឬមួយដាក់អោយមកឃុបឃិតនិងយកលុយពីក្រុមឈ្មួញប្រព្រឹត្តបទល្មើសឈើខុសច្បាប់ ឬយ៉ាងណា.?សូមរង់ចាំភាគបន្ត៕
