សេចក្ដីរាយការណ៍ បញ្ជាក់និងអះអាង ពីប្រជាពលរដ្ឋក្នុងឃុំថ្មីស្រុកចិត្របុរី បានឲ្យគេហទំព័រយើងដឹងថា ជារៀងរាល់ថ្ងៃ ពួកគេតែងតែបានសង្កេតឃើញ មានក្រុមឈ្មួញកំពុងតែ ធ្វើការដឹកជញ្ជូនឈើ ប្រើមធ្យោបាយដោយគោយន្តកន្ត្រៃ.និងរ៉ឺម៉កជាច្រើនគ្រឿង ចេញពីព្រៃនៃដែនជម្រកមួយចំនួនក្នុងខេត្តមណ្ឌលគិរី ហើយឆ្លងកាត់ ចំណុច 105 ឧបសម្ពន្ធ របស់ភូមិទ្រៀប ឃុំថ្មីស្រុកចិត្របុរីខេត្តក្រចេះ។
ក្រោយពីទទួលបានសេចក្ដីរាយការណ៍ ទាំងនេះរួច ហើយ ក្រុមអ្នកសារព័ត៌មានបានចុះទៅដល់តំបន់ខាងលើនោះ នៅម៉ោងប្រមាណ 1 និង 10 នាទី ថ្ងៃទី 17 ខែមករា ឆ្នាំ 2021នេះ ក៏បានប្រទះឃើញ សកម្មភាព របស់ក្រុមឈ្មួញ កំពុងធ្វើការដឹកជញ្ជូនឈើ ដោយមានទាំងគោយន្តកន្ត្រៃនិងរម៉កជាច្រើនគ្រឿងកំពុងធ្វើសកម្មភាពយ៉ាងមមាញឹក ពិតប្រាកមែន។
ហើយការដឹកជញ្ជូនទាំងនេះគឺប្រកបទៅដោយ មានសភាព យ៉ាងសុខសាន្ត បំផុតដោយពុំឃើញ មានផលរំខានណាមួយ ពីសំណាក់អាជ្ញាធរដែនដី ឬមន្ត្រីជំនាញដែលពាក់ព័ន្ធ ក្នុងស្រុកចិត្របុរីនោះ សូម្បីតែបន្តិចនោះឡើយ។
ដោយផ្អែកទៅលើ សកម្មភាព នៃការដឹកជញ្ជូន ផលអនុផលព្រៃឈើ យ៉ាងសកម្មនិងរលូន ទាំងនេះផងដែរ ហើយពុំមានឃើញ មានការទប់ស្កាត់និងបង្ក្រាប ពីមន្ត្រីជំនាញដែលពាក់ព័ន្ធបែបនេះ .ទើបពួកគាត់ មានការងឿងឆ្ងល់ និងស្នើសរសើរ .ទៅលើសកម្មភាពដ៏ស្ងប់ស្ងាត់បានល្អ បែបនេះរបស់អាជ្ញាធរមានសមត្ថកិច្ចក្នុងស្រុកចិត្របុរី។
បន្ទាប់ពីការងឿងឆ្ងល់ ប្រជាពលរដ្ឋទាំងនោះក៏បានសុំដាក់ជាសំណួរបែបត្រង់ត្រង់ទៅសមត្ថកិច្ចជំនាញពាក់ព័ន្ធទាំងនោះថា តើមន្ត្រីដែលពាក់ព័ន្ធ ក្នុងស្រុកចិត្របុរីទាំងនេះអាចនិយាយបានទេថាគឺ សុទ្ធតែងងឹតភ្នែក ឬ មកពីការស្ពឹកស្រពន់ ឬអសមត្ថភាព របស់ពួកគេ បានដែរឬទេ?
ឬមួយក៏ រម៉កនិងគោយន្តកន្ត្រៃដឹកឈើរបស់ក្រុមឈ្មួញ ទាំងនោះវាចេះបំបាំងកាយទេដឹង ?
ទើបបានជាមន្ត្រីជំនាញទាំងនោះ មើលមិនឃើញនឹងមិនបង្ក្រាតបែបនេះ ?
ឬ មួយអាចនិយាយបានថា មន្ត្រីជំនាញដែលពាក់ព័ន្ធទាំងនោះ បានទទួលផលប្រយោជន៍ ជាលុយកាក់ ក្រោមតុ ដែលហៅថា ការសូកប៉ាន់ ជាថ្នូរនឹងការមិនបង្ក្រាប នោះរួចរាល់អស់ទៅហើយតើ មែនដែរឬទេ?
តែបើមន្ត្រីទាំងនោះ មិនងងឹតភ្នែក ឬមិនបានទទួលសំណូកសូកប៉ាន់ទេនោះ តើហេតុអ្វី? បានជាមិនបង្ក្រាបហើយបើកដៃឱ្យក្រុមឈ្មួញធ្វើសកម្មភាពខ្លាំងក្លាបែបនេះ ?
ពាក់ព័ន្ធនៃការលើកឡើងពីពលរដ្ឋខាងលើនេះដែរ អង្គភាពព័ត៌មានយើងខ្ញុំ ពុំទាន់បានសុំការបកស្រាយឬបញ្ជាក់ ណាមួយ ពីមន្ត្រីជំនាញ ជាពិសេសខាងកងកម្លាំងរាជអាវុធហត្ថស្រុក និងជំនាញរដ្ឋបាលព្រៃឈើកន្ទួតនោះបាននៅឡើយទេ ក្នុងថ្ងៃនេះ។
តែក្រុមការងារអង្គភាពយើងខ្ញុំបានស្នើសុំដល់មន្ត្រីជំនាញដែលពាក់ព័ន្ធ មេត្តាជួយធ្វើការបកស្រាយមកកាន់យើងខ្ញុំវិញ ដោយស្រប់តាមវិជ្ជាជីវៈអ្នកសារព័ត៌មានផងចុះ ប្រសិនបើសមីជនឬបុគ្គលរូបណាម្នាក់ បានអះអាងថាសេចក្ដីរាយការរបស់ប្រជាពលរដ្ឋខាងលើនេះមិនមែនជាការពិតទេនោះនិងអាចធ្វើឲ្យប៉ះពាល់ដល់កិត្តិយសនិងកេរ្តិ៍ឈ្មោះរបស់អាជ្ញាធរមានសមត្ថកិច្ចប្រចាំមូលដ្ឋាននោះ។
ក្រុមការងារយើងខ្ញុំ នឹងធ្វើការផ្សព្វផ្សាយបន្តនឹង កែតម្រូវ ឡើងវិញនៅរៀងរាល់ម៉ោងធ្វើការ៕
