ឧត្តរមានជ័យ៖ នៅវេលាម៉ោង ១០ និង ៣០នាទីព្រឹក ថ្ងៃទី ១៨ ខែមករា ឆ្នាំ២០២១ មានករណីបុរសម្នាក់ស្លាប់ក្នុងចម្ការស្វាយចន្ទី ដែលស្ថិតនៅក្នុង ភូមិពាមក្នុង ឃុំអូរស្វាយ ស្រុកត្រពាំងប្រាសាទ ខេត្តឧត្ដរមានជ័យ។
ជនរងគ្រោះឈ្មោះ ភាច ចិត្ត ភេទប្រុស អាយុ២៧ឆ្នាំ មុខរបរជាយោធានៅអង្គភាពយោធភូមិភាគទី៤ ប្រចាំការនៅអូរកូនតឹង ស្រុកអន្លង់វែង រស់នៅ ភូមិល្វា ឃុំត្រពាំងធំ ស្រុកប្រាសាទបាគង ខេត្តសៀមរាប ប្រពន្ធឈ្មោះ ជា ម៉ាលីន ភេទស្រី អាយុ២៤ឆ្នាំ មុខរបរមេផ្ទះ រស់នៅភូមិឃុំកើតហេតុខាងលើ។
មូលហេតុនៃការស្លាប់បណ្ដាលមកពី ថយគោយន្ដកន្ត្រៃបាញ់ថ្នាំស្វាយចន្ទីមិនបានប្រុងប្រយ័ត្ន បណ្ដាលឲ្យបោកផ្ទប់កៀបជាប់ខ្លួនឯងនិងដើមស្វាយចន្ទីស្លាប់ភ្លាមៗគួរឲ្យសង្វេគ នៅក្នុងចំការស្វាយចន្ទីគ្រួសារខាងប្រពន្ធ។
ក្រោយសមត្ថកិច្ចចុះពិនិត្យ និងធ្វើកោសល្យវិច័យរួច បច្ចុប្បន្នសពត្រូវបានក្រុមគ្រួសារយកទៅធ្វើបុណ្យតាមប្រពៃណី៕
