កណ្តាល ៖ ស្ត្រីម្នាក់បានស្លាប់ក្រោយបញ្ជូនទៅដល់មន្ទីរពេទ្យខណៈ៦នាក់ទៀតរងរបួសធ្ងន់ ស្រាល បន្ទាប់ពីរថយន្តក្រុងបុករថយន្តនីសាន់ឈប់អែបកៀនផ្លូវ។
លោកវរសេនីយ៍ឯក ឯក លន់ អធិការនគរបាលស្រុកមុខកំពូល បានអោយដឹងថា គ្រោះថ្នាក់ចរាចរណ៍នេះ បានកើតឡើង កាលពីវេលាម៉ោង០៤និង៣០នាទី ទៀបឍភ្លឺ ថ្ងៃទី២០ មករា ២០២១ នៅលើផ្លូវជាតិលេខ៦អា ត្រង់ចននលោះគីឡូម៉ែត្រលេខ២១-២២ ស្ថិតក្នុងភូមិក្រោម ឃុំព្រែកអញ្ចាញ ស្រុកមុខកំពូល ខេត្ដកណ្ដាល។
លោកអធិការបានបន្តថា នៅវេលាកើតហេតុខាងលើមានរថយន្តមួយគ្រឿងម៉ាកនីសាន់ពណ៍ខៀវពាក់ផ្លាកលេខភ្នំពេញ2B9951 បើកបរដោយឈ្មោះ សូ សុខវ៉ៃ ភេទប្រុសអាយុ៥០ ឆ្នាំមានទីលំនៅភូមិល្វាទេ ឃុំមានជ័យ ស្រុកស្រីសន្ធរ ខេត្តកំពង់ចាម ដោយមានរួមដំណើរ០៧នាក់ រួមមាន
១.ឈ្មោះ សុខ សារ៉ុម ភេទស្រីអាយុ៥៥ឆ្នាំ មានទីលំនៅភូមិពុកឫស្សី ឃុំពុកឫស្សី ស្រុកខ្សាច់កណ្ដាល ខេត្តកណ្ដាល ទី២.ឈ្មោះ ហួត សុខុម ភេទស្រី អាយុ៦៦ឆ្នាំ មានទីលំនៅភូមិមាន់ដប់ក្រោម ឃុំមានជ័យ ស្រុកស្រីសន្ធរ ខេត្តកំពង់ចាម ទី៣.ឈ្មោះ ជឿន នួន ភេទស្រី អាយុ៣៥ឆ្នាំ ទី៤.ឈ្មោះ សែម ផន ភេទស្រីអាយុ៥៦ឆ្នាំ ទី៥.ឈ្មោះទិត្យ ធឿន ភេទស្រី អាយុ៥២ឆ្នាំ ទី៦.ឈ្មោះ ម៉ោញ ភឿន ភេទស្រីអាយុ៥៥និងទី៧.ឈ្មោះ ឆឺន សារ៉ុម ភេទស្រី អាយុ៤៣ឆ្នាំ អ្នកទាំង៤មានទីលំនៅ ក្នុងភូមិមាន់១០ ឃុំមានជ័យ ស្រុកស្រីសន្ធរ ខេត្តកំពង់ចាម ជាមួយគ្នា។ ធ្វើដំណើរពីជើងទៅត្បូង លុះមកដល់ចំណុចកើតហេតុបានអែបឈប់ ក្បែរផ្លូវស្របពេលនោះក៍មានរថយន្តមួយគ្រឿងម៉ាក ហ៊ីយិនដាយ ពណ៍ក្រហម ពាក់ផ្លាកលេខរតនៈគីរី3A8987 អ្នកបើកបរ រត់គេចបាត់(ប្រភេទដឹកអ្នកដំណើរធន់ធំ) ធ្វើដំណើរពីជើងទៅត្បូង (ពីរតនះគីរីទៅភ្នំពេញ ស្របទិសគ្នា) ហើយបានមកបុករថយន្តនីសាន់ដែលឈប់លើទ្រូងផ្លូវខាងលើ បណ្ដាលអោយស្លាប់ឈ្មោះ សុខ សារ៉ុម ពេលបញ្ចូនទៅពេទ្យស្រុកមុខកំពូល និងរបួសធ្ងន់ឈ្មោះហួត សុខុម និងរបួសស្រាលដល់ឈ្មោះជឿន នួន ឈ្មោះសែម ផន ឈ្មោះទិត្យ ធឿន ឈ្មោះម៉ោញ ភឿន និងឈ្មោះឆឺន សារ៉ុម ហើយអ្នករបួសទាំង៦នាក់បានបញ្ចូនទៅព្យាបាលនៅពេទ្យស្រុកមុខកំពូល០១នាក់និងពេទ្យឯកជន០៦នាក់។
ក្រោយពីទទួលបានពត៌មានកំលាំងប៉ុស្តិព្រែកអញ្ចាញនិងកំលាំងជំនាញបានចុះទៅដល់កន្លែងកើតហេតុហើយបានពិនិត្យកន្លែងកើតហេតុ និងវាស់វែង រួចបានយករថយន្តទាំង២មករក្សាទុកនៅអធិការដ្ឋាននគរបាលស្រុកមុខកំពូល៕
