បន្ទាយមានជ័យ ៖ រថយន្តហ្វតស៊េរីទំនើបបុករថយន្តកាំម៉ារីហើយបុកម៉ូតូបណ្តាលរបួស៣នាក់កើតឡើងវេលាម៉ោង៥.៥០នាទីថ្ងៃទី២២ ខែមករា ឆ្នាំ២០២១នៅតាមបណ្តោយផ្លូវជាតិលេខ៥ស្ថិតភូមិយាងថ្មី ឃុំកូប ស្រុកអូរជ្រៅ។
មន្ត្រីចរាចរណ៍អធិការដ្ឋាននគរបាលស្រុកអូរជ្រៅបានប្រាប់ថា៖នៅពេលគ្រោះថ្នាក់ចរាចរណ៍កើតឡើងគឺរថយន្តហ្វតវិញជ័រពាក់ផ្លាក់លេខភ្នំពេញBE.9556បានបើកបតាមបណ្តោយផ្លូវជាតិលេខ៥ទិសដៅកើតទៅលិចក្នុងល្បឿនលឿនបានបុករថយន្តកាំម៉ារីចង្កូតស្តាំពីក្រោយហើយរុលទៅបុកម៉ូតូពីក្រោយម៉ាក់ហុងដាMSXពាក់ផ្លាក់លេខបាត់ដំបង1AA.3527 បណ្តាលរថយន្តហ្វតក្រឡាប់ជាច្រើនត្រឡាប់ធ្លាក់ពីផ្លូវបណ្តាលរបួស៣នាក់ស្រាល។
មន្ត្រីនគរបាលចរាចរណ៍បានបញ្ជាក់ថា៖នៅពេលគ្រោះថ្នាក់ចរាចរណ៍កើតឡើងមន្ត្រីជំនាញបានចុះទៅពិនិត្យវាស់វែង មូលហេតុគ្រោះចរាចរណ៍កើតឡើង គឺបណ្តាលមកពីរថយន្តហ្វតសេរីទំនើបបើកបរលឿនបានបុកពីក្រោយរថយន្តកាំម៉ារីហើយបុកម៉ូតូបណ្តាលខូចខាតធ្ងន់ធ្ងរនិងរបួសស្រាលមនុស្ស៣នាក់។
ក្រោយពេលមន្ត្រីជំនាញវាស់វែងហើយត្រូវបានយករថយន្ត២គ្រឿងនិងម៉ូតូ១គ្រឿងទៅរក្សាទុកអធិការដ្ឋាននគរបាលស្រុកអូរជ្រៅ ដើម្បីអនុវត្តតាមច្បាប់ចរាចរណ៍ជើងគោក៕
