ភ្នំពេញ៖ យោងតាមប្រភពព័ត៌មានពីកន្លែងកើតហេតុបានឲ្យដឹងថា មានរថយន្តម៉ាកអាល់ហ្វាតមួយគ្រឿងបើកបរដោយបុរសម្នាក់ក្នុងស្ថានភាពស្រវឹងជោគជាំ ជ្រុលទៅបុកជាមួយនឹងរថយន្តម៉ាកធុនត្រានៅចំណុចមុខវត្តសំបួរមាស នៅតាមបណ្តោយផ្លូវ២១៧ សង្កាត់ដង្កោ ខណ្ឌដង្កោ ហើយមិនបានឈប់ទទួលខុសត្រូវទេ ដោយបានព្យាយាមបើករត់ឆ្ពោះទៅច្រមុះជ្រូកស្ទឹងមានជ័យបានប៉ះជាមួយនឹងរថយន្តកាម៉ារីឆ្លាមមួយគ្រឿងទៀត ហើយនៅតែបន្តបើកគេចទៀតជ្រុលទៅបុកម៉ូតូ២គ្រឿងបណ្តាលឪ្យបុរសម្នាក់រងរបួសស្រាល និងបានកិននារីម្នាក់បែកក្បាលស្លាប់នៅនឹងកន្លែងកើតហេតុយ៉ាងអាណោចអធម័។ ហេតុការណ៍នេះបានកើតឡើងនៅវេលាម៉ោងនាទីយប់ នាថ្ងៃទី២៣ ខែមករា ឆ្នាំ២០២១ នៅតាមបណ្តោយផ្លូវ២១៧ ស្ថិតក្នុងសង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ។
យោងតាមប្រភពព័ត៌មានពីកន្លែងកើតហេតុបានអោយដឹងថារថយន្តបង្កម៉ាក ALPHARD ពណ៌ស ពាក់ស្លាកលេខភ្នំពេញ 2BJ-2004 បើកបរដោយបុរសម្នាក់ក្នុងស្ថានភាពស្រវឹងជោគជាំក្នុងទិសដៅត្បូងទៅជើងបានប៉ះជាមួយនឹងរថយន្តម៉ាក់ធុនត្រានៅមុខវត្តសំបួរមាស មិនព្រមឈប់ទទួលខុសត្រូវ បានព្យាយាមបើកគេចរហូតដល់ម្តុំច្រមុះជ្រូកស្ទឹងមានជ័យ ជ្រុលទៅបុករថយន្តមួយគ្រឿងផ្សេងទៀតបណ្តាលរថយន្តរថយន្តការខូចខាតយ៉ាងដំណំ ហើយរថយន្តបង្កខាងលើបានបន្តបើកគេចទៀត ក៏បានជ្រុលទៅបុកជាមួយនឹងម៉ូតូ២គ្រឿង ទី១-ម៉ាក់ហុងដាឌ្រីមសង់ សេ១២៥ ពណ៌ខ្មៅ ពាក់ស្លាកលេខតាកែវ 1N-8939 រងការខូចខាងយ៉ាងដំណំ ចំណែកបុរសជាអ្នកបើកម៉ូតូរបួសស្រាល ហើយរថយន្តបង្កបានបន្តទៅបុកកិនម៉ូតូមួយគ្រឿងទៀតម៉ាក់ហុងដាស្កុបពី ពណ៌.ស ពាក់ស្លាកលេខ ភ្នំពេញ 1II-9166 បើកបរដោយនារីម្នាក់ ដែលជាជនរងគ្រោះស្លាប់ខាងលើ ស្លាប់នៅនឹងកន្លែងកើតហេតុតែម្តង ។ ប្រភពពីនារីជនរងគ្រោះដែលបានស្លាប់បានឪ្យដឹងថា នារីរងគ្រោះមានឈ្មោះ លឹម ស្រីហេង អាយុ២៨ឆ្នាំ ហើយនារីជនរងគ្រោះខាងលើជិតដល់ថ្ងៃចូលរោងការផងដែរ ។
ក្រោយពេលកើតហេតុជនបង្កខាងលើត្រូវបានសមត្ថកិច្ចឃាត់ខ្លួន ចំណែកសពនារី ត្រូវបានគ្រួសារដឹកតាមរថយន្តសាម៉ុយ យកទៅធ្វើបុណ្យតាមប្រពៃណី៕
