កំពង់ឆ្នាំង៖ ក្មេងស្រី២នាក់បានលង់ទឹកស្លាប់ នៅចំណុចដូនកែវ ក្នុងទឹកស្រះរបស់ឈ្មោះ(សែនយ៉ុង)ស្ថិតនៅក្នុងភូមិចំការស្វាយ ឃុំសេដ្ឋី ស្រុកសាមគ្គីមានជ័យ ខេត្តកំពង់ឆ្នាំង នៅថ្ងៃទី២៩ ខែមករាឆ្នាំ២០២១ វេលាម៉ោង១១ និង០០ នាទីថ្ងៃត្រង់។
ក្មេងៗរងគ្រោះខាងលើ ១-ឈ្មោះយន គឹមមួយ ភេទស្រីអាយុ៤ឆ្នាំជាកូនរបស់ ឈ្មោះសែន យ៉ុង និង ប្រពន្ធឈ្មោះសឿន កញ្ញា និងទី២-ឈ្មោះហៀង ដាលីន ភេទប្រុសអាយុ៣ឆ្នាំជាកូនរបស់ឈ្មោះសុខ លាង និងប្រពន្ធឈ្មោះ សំ ភាព រស់នៅភូមិចំការស្វាយ ឃុំសេដ្ឋី ស្រុកសាមគ្គីមានជ័យ ខេត្តកំពង់ឆ្នាំង។
ប្រភពពីម្ដាយក្មេងរងគ្រោះ បានឲ្យដឹងថា មុនពេលកើតហេតុ ក្មេងប្រុសស្រីទាំង២នាក់បានលេងបាយឡុកបាយឡជាមួយគ្នា មួយសន្ទុះក្រោយមក ក៏ស្ងាត់មិនដឹងទៅណា ឃើញដូច្នេះក៏នាំគ្នាតាមរក លុះដល់ម៉ោង១១ និង០០នាទី ដោយមានការសង្ស័យក៏ទៅមើលទឹកស្រះហើយ បង្ក ឲ្យមានការភ្ញាក់ផ្អើល ដោយក្មេងទាំង ២នាក់បានលង់ទឹកស្លាប់បាត់ទៅហើយ។
បច្ចុប្បន្នសពក្មេងប្រុសស្រីទាំងពីរត្រូវបានអាណាព្យាបាលយកទៅធ្វើបុណ្យតាមប្រពៃណីរៀងៗខ្លួន ៕
