កណ្តាល ៖ បុរសម្នាក់បានបែកក្បាលស្លាប់ភ្លាមៗក្រោយជិះម៉ូតូមួយគ្រឿងក្នុងល្បឿនលឿនបុកគូថរថយ្ដតចតនៅស្ងៀម ស្ថិតនៅចំណុចភូមិពងទឹក ឃុំដំណាក់អំពិល ស្រុកអង្គស្នួល ខេត្តកណ្តាល កាលពីវេលាម៉ោង៧និង១០នាទីយប់ ថ្ងៃទី១ ខែកម្ភះ ឆ្នាំ២០២១ ។
ជនរងគ្រោះមានឈ្មោះ ហុី កុងលី អាយុ២៦ សព្វថ្ងៃជាកម្មកររោងចក្រ ស្នាក់នៅបន្ទប់ជួលភូមិត្រតឹង ឃុំពើក ស្រុកអង្គស្នួល ខេត្តកណ្តាល មានស្រុកកំណើតភូមិស្នាយគ្រាង ឃុំធ្លក ស្រុកស្វាយជ្រុំ ខេត្តស្វាយរៀង។
យោងតាមប្រភពព័ត៌មាន បានអោយដឹងថា មុនពេលកើតហេតុបុរសរងគ្រោះបានជិះម៉ូតូ Honda Dreamពណ៍ខ្មៅ សេរ៊ីឆ្នាំ២០២០ ពាក់ស្លាកលេខ ស្វាយរៀង 1P-1215 ក្នុងទិសដីពីកើតទៅលិចតាមបណ្តោយផ្លូវជាតិលេខ៤ ក្នុងល្បឿនលឿនស្រាប់តែមកដល់ចំនុចកើតហេតុបានបុកពីក្រោយរថយន្តម៉ាកHINO សណ្តោងរម៉កធុនធំ ពាក់ស្លាកលេខ ភ្នំពេញ 3A-8461 ដែលចតនៅស្ងៀមតាំងពីរសៀលដោយគ្មានស្លាកសញ្ញា រឺភ្លើងសម្គាល់ឡើយទើបធ្វើអោយជនរងគ្រោះប្លោងបោកក្បាលស្លាប់ភ្លាមៗនៅនឹងចំនុចកើតហេតុ ។
ក្រោយពេលកើតហេតុសពជនរងគ្រោះត្រូវបានក្រុមគ្រួសារដឹកយកទៅធ្វើបុណ្យតាមប្រពៃណីនៅស្រុកកំណើត ចំណែកឯមធ្យាបាយទាំងពីរត្រូវបានសមត្ថកិច្ចផ្នែកចរាចរណ៍នៃអធិការដ្ឋាននគរបាលស្រុកអង្គស្នួល ធ្វើការវាស់វែងនិងយកទៅរក្សាទុកដើម្បីចាត់ការតាមនីតិវិធីច្បាប់៕
