ភ្នំពេញ ៖ ក្រសួងព្រះបរមរាជវាំង នៅថ្ងៃទី១៨ មីនា ឆ្នាំ២០២០ បានចេញនូវសេចក្តីជូនដំណឹងពីការផ្អាកព្រះរាជពិធីត្រស្តិសង្ក្រាន្ត (ភាណយក្ស) ដែលគ្រោងធ្វើឡើងនៅថ្ងៃទី២០-២៣ មីនា ឆ្នាំ២០២០នេះ ដើម្បីជាវិធានការការពារការរីករាលដាលជំងឺ Covid-19 ។
សូមជម្រាបថា កាលពីដើមសប្តាហ៍នេះ ក្រសួងព្រះបរមរាជវាំង ក៏បានជូនដំណឹងផងដែរពីការផ្អាកឲ្យការចូលទស្សនាព្រះបរមរាជវាំង ពីសំណាក់ភ្ញៀវជាតិ និងអន្តរជាតិ ចាប់ពីថ្ងៃទី១៨ ខែមីនា ឆ្នាំ២០២០ រហូតមានការជូនដំណឹងជាថ្មី៕
