ភ្នំពេញ ៖ ភ្ញៀវទេសចរបរទេសចំនួន ៣៤នាក់ តាមកប៉ាល់ដែលអាជ្ញាធរវៀតណាម ហាមមិនឲ្យចូលចតក្នុងប្រទេសរបស់គេ ហើយបានត្រឡប់មកកម្ពុជាវិញនោះ បានចាកចេញពីកម្ពុជាហើយ កាលពីថ្ងៃទី១៨ ខែមីនា ខណៈដែលអ្នកនៅសេសសល់ចំនួន ៤១នាក់ទៀតនឹងត្រូវហោះហើយចេញនៅថ្ងៃព្រហស្បតិ៍ នេះ ទៅប្រទេសបារាំង អាមេរិក ស្វ៊ីស និងកាណាដា។
គួរបញ្ជាក់ថា សុខភាពភ្ញៀវ និងបុគ្គលិកនាវាទាំង ៥គ្រឿងសរុប ២០០នាក់ ក្នុងនោះភ្ញៀវចំនួន ៧៧នាក់ និងនាវិកចំនួន ១២៣នាក់ គឺល្អធម្មតា បន្ទាប់ពីត្រូវបានបុគ្គលិកសុខាភិបាលកម្ពុជាធ្វើតេស្តចំនួន ៣ដង គឺ ២ដងធ្វើនៅព្រំដែនកម្ពុជា-វៀតណាម៕
