ការរីករាលដាលនៃកូវីដ ១៩ មិនទាន់មានការគំរាមកំហែងដែលអាចឈានទៅរកការបិទរោងចក្រនោះកាតដេរនៅកម្ពុជាទេ ប៉ុន្តែនឹងធ្វើឲ្យប៉ះពាល់ដល់ការនាំចេញផលិតផលសម្លៀកបំពាក់ទៅកាន់ទីផ្សារអឺរ៉ុប និងអាមេរិក ប្រសិនបើវីរុស កូវីដ ១៩ បន្តរីករាលដាល។ នេះបើតាមការបញ្ជាក់របស់លោក ហេង សួរ អ្នកនាំពាក្យក្រសួងការងារ។
លោក ហេង សួរ បញ្ជាក់ថា ក្នុងចំណោមរោងចក្រចំនួន ៥០ ដែលបានផ្អាកប្រតិបត្តិការដោយសារតែកង្វះវត្ថុធាតុដើម កាលពីខែមុន នៅពេលនេះ គឺមានរោងចក្រចំនួន១៧ បានចាប់ផ្ដើមសកម្មភាពឡើងវិញហើយគិតត្រឹមថ្ងៃទី ១៧ ខែមីនា ឆ្នាំ២០២០ ក្នុងនោះមានកម្មករធ្វើការប្រមាណ ១៤ ៦១៧ នាក់ បន្ទាប់ពីទទួលបានការផ្គត់ផ្គង់វត្ថុធាតុដើមពីចិន៕
