រដ្ឋបាលរាជធានីភ្នំពេញ បានប្រកាសជាថ្មី ដល់ប្រជាពលរដ្ឋដែលមិនទាន់មាន ID បង់សេវាសំរាមតាមប្រព័ន្ធអេឡិចត្រូនិក ត្រូវរួសរាន់ទៅចុះឈ្មោះនៅរដ្ឋាករស្វយ័តគ្រប់គ្រងសំរាម និងសំណល់រឹង រាជធានីភ្នំពេញដែលមានទីតាំងនៅក្នុងសាលារាជធានីភ្នំពេញ ដើម្បីទទួលបាន ID កាត សម្រាប់បង់សេវាថ្លៃសំរាមតាមប្រព័ន្ធអេឡិចត្រូនិក ជំនួសដោយការធ្លាប់បង់តាមវិក្កយបត្រដែលធ្លាប់ភ្ជាប់ជាមួយវិក្កយបត្រអគ្គិសនី។
លោក នួន សំណាវុធ អភិបាលរដ្ឋាករស្វយ័តគ្រប់គ្រងសំរាម សំណល់រឹង រាជធានីភ្នំពេញ បានបញ្ជាក់ថា ក្រោយពីទទួលបានលេខសម្គាល់ ID រួចហើយ អតិថិជនត្រូវរួសរាន់ទូទាត់ថ្លៃសេវាសំរាមជូនរដ្ឋាករស្វយ័តគ្រប់គ្រងសំរាម និងសំណល់រឹង រាជធានីភ្នំពេញជាកំហិត៕
