អង់គ្លេស ៖ កីឡាករ៦នាក់ ក្នុងចំណោមមនុស្ស១០នាក់ដែលធ្វើតេស្តវិជ្ជមានកូវីដ១៩ក្នុងចំណោម៨០៤ករណីពីការធ្វើតេស្តនៅក្នុងសប្តាហ៍នេះ នៅក្នុងក្របខ័ណ្ឌ English Premiership។ នេះបើយោងតាមប្រភពពី CNA។
ការប្រកួតបាល់ទាត់នៅអង់គ្លេស ត្រូវបានផ្អាកទាំងស្រុងកាលពីខែមីនា ដើម្បីជាវិធានការទប់ស្កាត់ពីការឆ្លងរីករាលដាល នៃវីរ៉ុសកូរ៉ូណា ប៉ុន្តែបណ្តាក្លិបនៅ Premiership ត្រូវបានអនុញ្ញាតឲ្យចាប់ផ្តើមហ្វឹកហាត់ឡើវិញនៅសប្តាហ៍នេះ។
បើតាមអ្នករៀបចំបាល់ទាត់នៅ English Premiership បានបញ្ជាក់ថា កីឡាករ និងបុគ្គលិកក្លិបដែលបានឆ្លងវីរ៉ុស និងអ្នកដែលជិតស្និទ្ធជាមួយពួកគេ ឥឡូវនេះត្រូវរស់នៅដាច់ដោយឡែកមួយរយ: ជាមួយនឹងការវាយតម្លៃ ស្របទៅតាមគោលការណ៍ដែលព្រមព្រៀង ដោយទីភ្នាក់ងារសុខភាពសាធារណៈរបស់អង់គ្លេស។
មិនមានព័ត៌មានលម្អិតនោះទេ ថាតើកីឡាករ ឬក៏បុគ្គលិកក្លិបមួយណាដែលបានឆ្លងវីរ៉ុសនោះ។ មនុស្សចំនួន៤នាក់ទៀត ដែលគេរកឃើញថា បានឆ្លងវីរ៉ុស COVID-19 គឺជាបុគ្គលិកក្លិប។
គួរបញ្ជាក់ថា លីគបាល់ទាត់ English Premiership ដែលនៅសេសសល់ការប្រកួតចំនួន៩ជុំទៀតនោះ ត្រូវបានគេរំពឹងថា នឹងចាប់ផ្តើមការប្រកួតឡើងវិញ នៅថ្ងៃទី១៤-១៦ ខែសីហាខាងមុខ៕
