ភ្នំពេញ ៖ នៅថ្ងៃទី២១ ខែកក្កដា ឆ្នាំ២០២០ វេលាម៉ោង ៩:៣០នាទីព្រឹក លោកឧកញ៉ា ខូវ ជីលី ត្រូវជាបីតាក្មេករបស់ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានទទួលមរណៈភាព ក្នុងជន្មាយុ ៩១ឆ្នាំ ដោយជរាពាធ។
សពតម្កល់ធ្វើបុណ្យទក្ខិណានុប្បទានតាមប្រពៃណីព្រះពុទ្ធសាសនា នៅវត្តស្វាយពពែ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ពិធីដង្ហែសពនឹងដង្ហែយកទៅបញ្ចុះនៅភូមិថ្លើក ឃុំពើក ស្រុកអង្គស្នួល ខេត្តកណ្តាល វេលាម៉ោង ៧:០០នាទីព្រឹក នៅថ្ងៃសៅរ៍ ទី២៥ ខែកក្កដា ឆ្នាំ២០២០៕
សូមបញ្ជាក់ថា ឧកញ៉ា ខូវ ជីលី ជាមហាសេដ្ឋី និងជាអ្នកជំនួញដ៏ល្បាញល្បីមួយរូប ហើយបានក្តោបក្តាប់មុខជំនួញ និងក្រុមហ៊ុនជាច្រើននៅកម្ពុជា៕
